من روائع عبدالله بن سبيل

[الخويطر2003]

احدى روائع الشاعر / عبدالله بن سبيل:

يالله ياللي تسجد الناس لرضاه = يا وامر خلقه على حج بيته
تفرج لمن سده على الناس ما بداه=راضي بمقسومك اللي عطيته
من شي يسل الحال والجسم يبراه=والناس ما يشفون ان ما شفيته
قلت آه واجرحاه من خلتي آه=وان حملوني حمل غي قويته
قالوا سفى بالحال ويش اللي اغواه=قلت آه وش المنكر اللي وطيته
قالوا جهلت وبان علمك لمنهاه=قلت آه علمي يا ملا ما كميته
قالوا طلبنالك من الله معافاه=قلت آه وحدته وعفوه رجيته
قالوا هله واحباب عينه نصحناه=قلت آه هذا وارد ما بغيته
قالوا ندور لك من البيض حلياه=قلت آه لو غيره بكفي رميته
قالوا نشاش العود مالك بلاماه=قلت آه عود الموز بيدي لويته
قالوا تزوج كود تدله وتنساه=قلت آه لو خذت اربع ما نسيته
قالوا من اقصى الناس وين انت وياه=قلت آه ما انسى يوم جاني وجيته
قالوا نشوفه عن هذا وهاذا=قلت آه عمره ما عقب حج بيته
قالوا عليل ناقل داه برداه=قلت آه بقرابي وروحي فديته
قالوا نشير ولا نفع ما حكيناه=قلت آه هراج النمايم عصيته
قالوا كثر شيبك وقلبك بعمياه=قلت آه لو قلبي غرير نهيته
مطاوع قلبي بعجفاه وقداه=والى عطى منهاج درب عطيته
يا ناس خلوا كل وادي ومجراه=قلتوا كثير وقولكم ما لقيته

الخويطر2003