وخنتي من عطاش العهد واثق// بعذر الجامعه مدري الوظيفه

[جراح بن ضيدان العجمي]

السلام عليكم ورحمة الله وبركاتة
العذور والسموحه على انقطاعي لظروفي الخاصه
وها انا اتيت ومعي هذي المتواضعه وارجو ان تحوز على رضاكم
وهي تصوّر الواقع


بسم الله

يقول اللي غدا همـه وليفـه= بعد ماصارت همومه مخيفـه
انا لاشفت ما اعافـه جفيتـه =علا الله ينجلي برده وصيفـه
ولكني اشوف عزاز الانفـس= تشوف اللي يعاف ولا تعيفـه
تبـدل وقتنـا والكـل مـنـا =غدا يتبع هوى نفسه وكيفـه
نشوف العيب ونقول الحضاره= وكن ابصارنـا عنـه كفيفـه
لابو هذا التحضـر والتقـدم= اذا لـوث ظمايرنـا النظيفـه
علا ماشفت ساقتني همومـي =وقمت ادعي عليها بالنكيفـه
الاا يابنت كان انتي سمعتـي =ترى القصه نهايتها سخيفـه
بدايتها الوليف اللي ظفربـش= اجل مـا للوليـف الا وليفـه
ولكن الصحيح انـش ولفتـي= وليفن كنتـي بدنيـاه ظيفـه
ولا انتي الاوله ولا الاخيـره= كثير اغراهم بكذبه وزيفـه
حسافه وانتي اللي مابخلتـي =رضيتي يحظن الكف الشريفه
وخنتي من عطاش العهد واثق= بعذر الجامعه مدري الوظيفـه
فلا تبكيـن والعبـره بعبـره =عقب ماكنتي البنت العفيفـه
مدامش خنتي اهلش والقرايـب =اكيد ان الخيانه لش حليفـه
//
//
جراح بن ضيدان العجمي
//