محــاوره من العيـار الثقيــل الثقيــل الثقيــل :)

[فــلاح]

محاورة روعة بين حبيب العازمي وذيب الشمري


ذيب

نبي نسري على خط المعاني والحمول ثقال=واخوي حبيّب اللي سرعته سرعه جنونيه
معاك الاختبار الصعب بالاقفى وبالاقبال=وشرار النار لايمكن يكون العاب ناريه



حبيب

نبي نمشي على شط الخليج اللي مافيه جبال=وانا ماأسرع ليا شفتك تدربى كنك الحيّه..
ترى راع المعاني يضرب الرجال بالرجال=واذا ماجتـك المعاني رجعوها طاق طاقيه..

ذيب

حبيب يدري بساعه قبل لاياقع الزلزال=وهذي ميزةٍ عنده خصوصيه خصوصيه..

تحصنّا بعشر ايات ضد الاعور الدجال=ولا ناقف على قبور الفلاشا والمسيحيه..


حبيب

على سطح القمر ما يطلع التشويش بالارسال=لكن الارض فيها والسبب فيها الحراميه..
تضلل بالعمامه كان راسك ماعليه ضلال=اهل حايل عرب..وانته تكلم بالفرنسيه..


ذيب

هي افضل مهنة الصعلوك ولا مهنة النشال=واهل صنعا يسمون الصعاليك الشريطيه..
تضللني فعولٍ ماضيه في عهدي اللي زال=وحنا من خلقنا مانحب ضلال عاريه..


حبيب

لو اني قلتلك تشهد تبي تشهد بنص ريال=يابو لحيّه كبيره لا تيمّم بالحونشيّه..
انا والله ما اذم اهل الوفا فالحل والترحال=ولافرّقت بالشعب الكويتي والسعوديه



ذيب

مادام البرمكي يحيا وكيل وللخليفه خال=تبى تغليه قادات السرايا والفداويه..
انا والله ما احب الحق في حاله من الاحوال=واحب الفتنه وعندي لهذا الحب شرعيه..


حبيب

انا والله ماعرف البرمكي طيّب ولا بطال=لكن الطيبّه فيها من الرحمان ماريّه..
عسى ربي يعين اللي معه حيله ولا يحتال=تجادله الروابع بين هَذيّه..و هَذيّه..


ذيب

عسى رزقي كثر خوفي من الحساد والانذال=يبيعون الضماير فالمحلات التجاريه..
بعد بكرى عتيبه ينخلون الحب بالغربال=وكثير أليا صلح من حبهم عشرين بالميّه

حبيب

عسى رزقك يجيك محوّل من الطايره بحبال=صلاة الفجر قبل الشمس تلحق بارد الفيّه..
عتيبه ياوسيع العرف منها تعقل العقال=عسى لمطير وسع الحرب والهيّه سياسيه..


ذيب

مادام الرزق هذا خلوا عتيبي فالاستقبال=بعد ما خوفتنا بعض الارزاق السماويه..
انا ماقول روما لمثل غيفارا وهاني بال=اقول حبيّب أبحر في سفينته الشراعيه..


حيبب

انا خابرك عاقل مير اشوفك صار فيك خبال=تشيل الحبحبه وتقول هذي (هندروجيه)..

.
.