لاصرت بايعني اشوفك على خير *** مع السلامة دام مابه سلامه

[قبلةالعجمان]

السلام عليكم ورحمة الله وبركاته يالعجمان ..



هذي احدى روائع الشاعر >> محمد جار الله السهلي <<.....

لاصرت بايعني اشوفك على خير =مع السلامة دام مابه سلامه
قلت: انتهينا ؟ قلت لك : خير ياطير!=ماني بأول شخص يخسر غرامه
محذرك من قبلها الف تحذير =لا عفتني بيعيف قلبي هيامه
مانيب ميت ولا احتاج تبرير=صح الله لسانك ووفر كلامه
باسمعك حبكة وفكرة وتصوير=وافهم عدل يا مدعي الفهامه
وجه الشعر ابيض ويحتاج تغير = ودي تزين هالقصيدة علامه
ماضيك الاسود باذكره دون تقصير =كذا يكون بخد هالشعر شامه
يصدق معي تعبير ويخون تعبير =يا ضيعة الشاعر بوقت انسجامه
يمكن خطا ادونك بالشعر مير =لو ما احترمتك .... للغرام احترامه
ماكان حبك غير ... بس طعنتك غير=علمتني معنى الندم والندامه
ماجاك مني اي زله وتقصيــــر =كل ما اخطيت اعاتبك بابتسامه!!
حسبي على الذكرى اذا هبت عصير =ماعاد تنفع شرهتي والملامه
البال ظامي وقتها والحزن بير =-والهم انا اول من كسب اهتمامه
والليل فازع لك كذا ؟! جاني مغير=ظلمتني واكثر ظلمني ظلامه
لااقبل علي اوحيت صوت المسايير= وفزيت كل ضيف اقوم بمقامه
وليا عزم هالليل ضيقه وتفكير = قلي بربك كيف بقدر انامه ؟؟
مافي داعي للعتب والمعاذير = الغدر ( خال) الجرح والطيب ( عمامه)!!
أما يجب الله مطر .... تالي وخير =والا السلامة ( ماااااش ) مامن سلامه

وسلااااامتكم ......