قصه وقصيده لشاب يامي مع خويه

[راكان اليامي]

قبل حوالى مده طويله كان فيه شاب يامي وله صديق من احدى القبائل الاخرى الله يستر علينا وعليهم وكان ذاليامي صادق مع خويه لدرجه ما يعلم بها الا الله وكان خوي اليامي هذا شغال مع اميرالمهم كعادة الاصدقاء كل واحد يشكي همه للاخر وكان عند اليامي موضوع مقلقه وشاغل باله وهو فيه ادمي عزيز عليه في احد مقابر الاحياء في المملكه وبحكم صداقته مع خويه كلمه عن موضوع ذالادمي وقال خوي اليامي ابشر اعتبر ان الادمي هذا ما عاد رايح يطول في السجن وكلها اسبوع اسبوعين وراح يطلع بس ما ابي منك الا قصيده قال ابشر ما دام القصيده ذي بتطلع ذا المودمي الي ماخذ قلبي ولا يهمك

وقال بالقصيده

فيك يابن سعود سويت القصيده = واستوت لـي فيـك يالحـر القطامـي
يابو مبارك جعلت ايامك سعيده = ياعريب الاصل يـا شبـل الكرامـي
من هل الطولات وافين العقيـده *=لابتـن يـو الملاقـا مـا تضامـي
واضح تاريخهـم قبـل القصيـده = (......) مـا يهابـون الزحامـي
منهم اللي جعلت ايامه سعيده = امبارك الوافـي لمـا عـدت الاسامـي
الصديق اللي عسى ربي يزيده = صـادق يوحـي بمضمـون الكلامي
بشتكيله فرقة الغالي شديده = والفـراق اكبـر ذنـوب اهـل الغرامي
بزهمك وانخاك يا حامي الطريده = ياصديقـي والله مـا اذوق المنامي
ويش رايك وانت لك نظره سديده = وانت من رووس الرجاجيل الحشامي
قلت ما تطلبه بعد القصيده = والوفـا لهـل الوفـاء فـي كـل عامي
ذي علوم اللي هواجيسه عنيـده = والليالـي السـود مخلفـت المرامـي

جاء ذاليامي وضبط ذالقصيده وحطها في برواز ووداها لخويه ذاللي يشتغل مع الامير لمكتبه ومر اسبوع اسبوعين شهر شهرين ثلاثه اربعه خمسه سادس شهر والله والمودمي في السجن ويعطيه ذاليامي مثل مايعطيه خويه من وعد خروجه مع العلم ان خويه كل فتره يواعده ويوريه خطابات موقعه من امراء عده على بياض ويقول لا تشيل هم المودمي طالع الاسبوع الجاي ومرت اسابيع المهم صار ذاليامي يدق على خويه اللي يشتغل مع الامير ولا يرد والمودمي اللي بالسجن يشره على ذاليامي ويقوله انت كذاب ولا عندك سالفه المهم ذاليامي انقهر من خويه اللي يشتغل مع الامير ولا عاد يرد على جواله
وتحسف ذاليامي على القصيده بعد ماعرف ان خويه ذا كذاب وجات في خاطره الا يقول قصيده في خويه اللي طلع ماعنده الا الضعوي ومهايطي

يقول اليامي

فيك يابن سعود سويت النشيده = واحسب انك (...................)

قلت لي قول وسواليف عديده = وما وصلت العلم باسميك الخمامي

اشهد انك من رجال عنيده = وانت يا مبارك زكاة للكرامي

قلت لي قول تفك اللي بقيده = وما وفيت بماتقوله من كلامي

اثرك تسولف علشان العصيده= ياردي الفال بعطيك الطعامي

ماتبي موجود والدنيا زهيده= حن هل الطولات يام الي حلامي

من عصر راكان حامين الطريده =انشد وتلقى التواريخ القدامي

ما علي خلاف وانشر بالجريده=ما نهاب ولا بنخطي بالمرامي

حن احرار نعتلي في كل حيده= وانت يامبارك باسميك المدامي

ان بغيت اركبك راس المليده= بتشتكي من ضيمها تحت الحزامي

اشهد انك تشبه العذرا فريده= وماعليك الا تركب لك زمامي

ما يفكون الحديد من الحديده=كون واعين تقول انك الخمامي

المهم ذاليامي وداها صوب خويه ولا لقاه وقطع علاقته معه والمودمي اللي بالسجن طلع

وفي النهايه اعزكم الله من ما ورد من الالفاظ الشينه في القصيده