طاب نهاركم بكل خير
قصيده بسيطه للتواصل وكلي أمل ان ترتقي للذائقه
يــــقـــــــول :
وينه زماني ؟؟ .. مواعدني ! ولاجاني = ليه اخلف العهد ؟ وآمالي مطوقته
وين اسمي ؟ وعنفواني ؟ واجمل الواني ؟ = وينه ؟ من النفس ! .. بد الخلق عاشقته
وينه طموحي ؟ وتصميمي ؟ ووجداني ؟ = وينه حماسي ؟ مسافر ! وين منطقته
يامبسمي طالبك .. مادمت عنواني = لايفطنون العرب ! للعلم وأروقته
اضحك .. تبســٌـم .. مدام الضحك مجاني = شاللي خذيته ؟ من ( الكبت ) ومعانقته
لو بترك أيـات شخص ؟ ارهى بهجراني = مبطي تركت البشر ! ,, والكل فارقته
ياوقت ماني بندك ؟ لاتحداني = شف واحد ٍ غيري .. تهمك مرافقته
خذيت مني الفرح وافرحت عدواني = وعرضـٌـت ( حلمي ) لـ جمر الياس واحرقته
تاريخ قلبي مع الأحزان .. يوناني = كم جرح حافل .. غزى صدري ووثقته
تصدق ان الهوى .. في طبعه أناني = وان الهواوي .. احاسيسه موهقته
مشكلتي اني ( سوي ) وانسان ( انساني ) = كثر مايكذب علي الحب صدقته !
مشيت في درب ؟ مدري وين وداني = احاتي العمر .. والدنيا معلــٌـقـته
مابين غمضة عيوني ؟ ورعشة اجفاني = ضاع العمر من يديني ماتلاحقته ؟
ياناس ! ياهووه ! ياعالم ! ياخلاني = اخذو وصية ؟ .. من الأيام ! مرهقته
اللي ( يـٌــدور علي ) ! ,, وصوه يلقاني ! = تعبت ؟ ( ادوٌر علي ) .. والبحث ماطقته
لو ان دمعي ؟ يعبـٌـر : كلمة لساني = ياكثر دمع ٍ .. عقب فرقاه نطقته
دمعي بـ عيني ,, يفسر صمت حرماني = والحزن في نظرتي ! .. بالدمع غرقــٌــتــه
خـلـوني أعــيــش .. بـاقـي الـعـمـر وحـدانـي = وش لي مع الـنـاس ؟ وأغـلـى الـنـاس ؟ فـارقــتــه
وطــــــــولــــــــة عـــــمــــــاركـــــــــم
22-10-2008, 07:33 AM
العرض الشجري