** والله وصرت أنســاك في بعض الاحيــان .....**

[قبلةالعجمان]

والله وصرت انساك في بعض الاحيان=والله وصرت الحاضر الوقت ذكـرى
والله وصارت قصتـي فيـك عنـوان=موضوعها الحرمان والعيـن تقـرى
الباب الأول كلـه أحـزان بأحـزان=وباقي مواضيعـه متاهـه ومسـرى
مدري خذتني عنك ميـلات الازمـان=وقلبٍ يحـاول يبعـدك عنـه وأزرى
وألا إنشغالي عـن طواريـك كتمـان=ماهقوتي قلبي علـى البعـد يضـرى
أضحك على نفسي واقول ايه نسيـان=ولاني بناسي وانت في حالـي ادرى
صرت أتخيل شـي بالأصـل ماكـان=كني أشوف الشمس بالليـل صفـرى
والماضي اللي عاصره مثلي إنسـان=وشلـون ينسـى والمواعيـد غبـري
وشلون ينسى طلـة الوجـه لا بـان=قمرى ولو ما بالسمـا ضـوا قمـرى
وشلون ينسـى وردةٍ وسـط بستـان=تحييه لو ما كل الأريـاف خضـرى
بالمختصر... تفـداك كوثـر ورازان=ياللي بحضورك بس هالجرح يبـرى
صعبه أقول انساك في كـل الاحيـان=بس الأكيد الحال في البعـد قشـرى

** مساعد السوارج ...