الصيـد قـل وعذبتنـا المطـاريـش % نقبل ونقفي مـن ولعنـا علـى مـاش
ناخذ أشهور أنفتـش الأرض تفتيـش % نتعب ولا تذكـر لنـا بـرق الأريـاش
يا طير يوم اطلق اسبوقك على ويـش % اخـاف تزهـق يالنـداوي وتنحـاش
إلا ان حصل يا طير سحب ورشاريـش % وقفـاه سيـل يذكـره كـل طــراش
وتتابعـت غـر المـزون المراهيـش % حقـوق واتلاهـا وداديـن ورشـاش
باخذ معك يـا طيـر فيهـا عراميـش % إن كان راسي يا طويـل البقـا عـاش
وياما حـلا عقـب المـراح المغابيـش % وانا معي عطـب المضاريـب شـواش
افجح قصير السـاق جثـل المناويـش % مستدرج عـار مـن الريـش هـواش
كنـه منقـش بالجنيهـات تنقـيـش % صدره عريض وراسه أبيض من الشاش
راكد ما هوب من الطيـور المرابيـش % عيبه صدوق الطلع ما هـوب غشـاش
ليا جيت مـع جـو كـداده مشاويـش % امفـرعٍ يوحـي امهوهـي ودرهـاش
يبيـن فـي وجـه لطلعـه شوابيـش % طلعه اطيار وتلـه السبـق واهتـاش
ومن الزعـل زاد التحمـاس والطيـش % قام يتعلا فـوق واخرشهـن اخـراش
وحول على خـرب براسـة نغاميـش % وطقـه بكـف ينثـر الـدم مـانـاش
والنـار شبوهـا العيـال المداغـيـش % بروض روايح زاهره ينعـش انعـاش
فل الحجـاج وطنـش الهـم تطنيـش % وخلك مـع ربعـك سنافـي وبشـاش
وترى السعد لو عارضت لقمت العيـش % سبح القـدم ومرافقـت كـل شوبـاش
اغنـم حياتـك يـا قليـل المناطيـش % قبل يجيـك المـوت وتلـف بقمـاش
وسلآلآمتكم
العرض الشجري