((عشق الحضاره ))
الا يلعن ابو عشق ٍ دخل بـي فـي الحضـاره يـوم
وخلانـي علـى الغلطـه اجامـل غنـج البنـيـت
وأنا من لابة ٍ تحجب خطـا الظالـم عـن المظلـوم
نزيـه ٍ ماخبـرت انـي علـى درب الـردا لديـت
عزيز ٍ من سلايل قـوم مـا تاخـذ صغـار القـوم
غنايمهـا مـن الجزلـه بحـق العـرف ماغاليـت
ابد محسوب انـا بيـن القبايـل والعـرب محشـوم
لأن اسمـي يشيـل اسـم ٍ انـا لـولاه ماغنـيـت
ولاتوجـت قيفانـي مـن افـلاك البـروج نـجـوم
وعطـرت القصايـد بالنفـل والفـل يـوم القيـت
لأجل ..ذكر الجدود اللي من ارض القيصري بالـروم
لصنعـا اذكارهـم رجـت ورجتنـي وانـا رجيـت
أنا ...يامي ولد يامـي ولـد عـز وفخـر ونعـوم
لمـا زاد الشجـن فـي بندقـي لعيالـهـا فـزيـت
ونكست الحجـج وانكاسهـا يـوم ٍ شقـي مفهـوم
علـى العليـا نقديهـا طلعـت وبيرقـي رزيــت
بصلـي وابتهـل وارفـع كفوفـي والدعـا معلـوم
واردد يالله الرحمـن يــارب الـحـرم والبـيـت
تسامحني علـى الزلـه وترحـم عبـد ك المرحـوم
ابي عفوك وابي عطفك نعـم تهـت ونعـم زليـت
غلطت ومادريت اني علـى الموجـه بديـت آعـوم
وانا اللي شرهتي صوت الربابه والحطب ..والبيـت
نسيت ان الزهـر بأسفـل تمانـي بالحيـا مرسـوم
وعشق ٍ غير عشق العرق والوضحى ضرير وميـت
نسيت ان البحر مالـه مـع صفـر الرمـال سلـوم
نسيت ان الحضـر لامالهـم عنـد البـداوه صيـت
سرقني بالغـدر طفـل ٍ علـى خـوة هـواه يسـوم
تغانم طيبتـي والصـدق لأجلـه كـم وكـم عانيـت
زبنته وانتصـر منـي بيـوم ٍ كـان بـه مهـزوم
ويوم انـه كبـر سـاق الجفـا وآنـا معـه وفَيـت
حضنته داخل ضلوعي مثل طيـر الشتـا المحـروم
كنزتـه فـي كفوفـي جوهـره مامثلهـا سـاويـت
نظمت احلى الشعر تحفـه لعيـن الخايـن المشئـوم
رسمتـه للبشـر صـوره علـى بروازهـا عزيـت
عسفت اشجانـي لطاعـة خيـال وسقتهـا لهمـوم
خطمت ضلوعي بحبل الصبر والغبـن ثـم شديـت
رضيت آعايش الضحكه وافضفض والحـزن مكتـوم
رضيت آصدق الكذبه ..تجي ..يالله ..عسى ..ياليت
عشقت ايده ولالـه بـي يبـي يـده وكـر لرخـوم
يبا اللي طبعهم طبعه يبـا اللـي طبعهـم ..غريـت
خلاص آنا مبـي قربـه ولافـي عشرتـه ملـزوم
رميتـه يعشـق ترابـي ولافـي رميتـه مالـيـت
صحيح ان الزمـن غامـض ولكـن الذكـا معـدوم
حشى ؟؟ ماهو غبا ((ريس وثق في لجة التصويت ))
عرفـت ان الغـلا رحلـه ولكـن الجفـا محـتـوم
ولكنـي ولـو خاويـت دون الـبـدو ماخـاويـت
الا ياشـوق عينـي للبـدو يـوم ابلهـم بـوسـوم
دلايلهم على الخلـج مثـل ليـل ٍ قـدح بـه ليـت
مطارق مره وقوس وحلـق كنهـا حـروف ختـوم
على عفـر ٍ تعـرف اصحابهـا والشيـخ لامريـت
والا ياشوق عيني للهنوف اللي مبين خدودها موشوم
من النسمـه بحـد اهدابهـا مالـت وانـا سجيـت
معا سجت جدايلها علـى غصـن النـدى المبـروم
بري حالي بري حالـي غفيـت شـوي ثـم ونيـت
21-02-2005, 12:49 PM
العرض الشجري