الليل كنـّـه صار عندي صباحي

[الجويّر]

الله على اللي جننت كل صاحــي = واللي قوا يصحى تكـّدر ولا عــــــــــاش

شفته وصار السم عندي قراحى= والسوق ضيـّـق شفته افياض واد شاش

والليل كنـّه صار عندي صباحــي = واللون الأسود شفته أبيض من الشاش

من قام قلت اشجاه ياناس طاحي = واللي تكن قلت اشبلا صاحبي طــــــــاش

في شوفته صممت ماني بصاحي= اعطي الجواعا ماي واحسبهم اعطـــاش

لـّزيت قربه قلت ممكن سماحــي = ولـّدت علي بحجاجها وخمّـني اربـــــــــاش

قلت العفوا يابنت عندي اقتراحي = قالت فهمت ومانبي صوت واهـــــــــواش

ارحل ترى غيرك تعّـذب وراحـي = راح ويبي لمسه من ايدي ولا نــــــــــــــاش

وقبلك من اللي صك راح ٍ براحي = وغيره طفش من جمعة الناس وانحـــــاش

قلت الصراحه فيك قلبي استراحي = حتى لو اعظامي من اسبابك اهشــــــاش

قالت ترى بكثر عليك الجـــــراحي = قلت اجرحي قلبي مـــعــا اجروحه افــداش

تضحك وانا لاشفت بيض ٍ وضاحي = شـّدت عيوني قلت يارب يـــــــرعـــــــاش

كامل مكمّـل من جميع النــــواحي = والكامل اللي ياهوا البال ســـــــــــــــوّاش

والحمد لله يوم انا بحت بـــاحــي = وكل ٍ دفع حبه على صاحبه كــــــــــــــــــاش

وسلامت من تابع









الشـــــــــــــاعر / ســـــــعود رتيبان آل جويّر