رحله مع الشاعر .. ( خالد الحصيّن ) كونوا معنا !

[موادعك خيره..!]

أكذب عليك ان قلت .. مانيب مشتاق
عزالله ان الشوق .. كفّى ووفّى

غلاك ثابت داخل اعماق .. الاعماق
هو هو لين تموت .. والا اتوفّى

وشلون ابنسى .. كل ما فيك .. وانساق
من عقب ما ادمنت الرحيق المصفّى

اسلوب .. واحساس .. وسواليف .. واخلاق
ومشاعرٍ .. كني عليها آتدفّى

مهما يطول الوقت .. وتضيق الآفاق
احذر تقول : اغلا المخاليق قفّى

اعظم ما يملك .. دمعةٍ بين الاحداق
حاول يخفّيها .. وعيّت تخفّى!