السلام عليكم ورحمة الله وبركاته
هذه قصيدة رثاء من العم مانع المشامس في المرحوم كميخ بن فدعوس العبار رحمة الله عليه
وقد خصنا العم بو محمد بهذه القصيده لنشرها في المنتدى .
ونيت ونة قريص الداب = ونيت يوم الخبر جاني
قمت أتوجد على اللي غاب = ريف المسايير والعاني
مرحوم ياللي نشا ثم شاب = ماذمه فلان وفلاني
من لابتن خيلهم دراب = لا ثار في الجو دخاني
يفرح به الجار مع الأصحاب = ويفرح به اللي بعد داني
يلقى المحبة مع الترحاب = والبن بدلال رسلاني
عسى حقوق الوبل لا نساب = يضفي على بيته الثاني
جعل المطر لانزل صباب = يمطر على شرق صبحاني
يالله من يطلبك ماخاب = نزله في برد وجناني
ونيت ونة قريص الداب = ونيت يوم الخبر جاني
كميخ العبار رحمة الله عليه
مانع المشامس
22-07-2010, 10:15 PM
العرض الشجري