اليل ياحجرف

[سلطان بن جفن]

هذي رديه بيني انا وشاعر حجرف العصيمي قبل 3سنوان
او اكثر حبيت انكم تقرونها

يمنى معاميلي ويسرى الدلالي=وكانت سواليف انشامى هنيا
وعقب السوالف والقصيد الجزالي=لامن بغيت النوم للعين عيا
وناديت وينك ياكريم السبالي=وين انت يلي كل راسك حميا
وين انت يلي تسمع الصوت عالي=عجل على مادام دربك تهيا
خلك اهنيا لايجيني اهبالي=الكي مايسلم اليا جاه كيا
الليل ياحجرف قضيته الحالي=وانا طموحي مع جميل المحيا
ياعزتي وان كان تبغي بدالي=ياسهيل لامن غاب نجم الثريا
محد يطيق المر لاذاق حالي=والحر مخلابه يهاب الحديا
قالت احبك يابعد كل غالي=وان قلت ليه الهجر قالت كذيا
كنها تعمد هجر من لا يبالي=في حبها والهجر يطويه طيا
وناديت وينك ياكريم السبالي=وين انت يلي كل راسك حميا
خلك اهنيا لايجيني اهبالي=يسيل لامن غاب نجم الثريا

لبيه ياسلطان

روحي بكف وكف فيها حلالي=ياروح هيا ونت يامال هيا
ولبيه ياصوتن سمى ونتحالي=يقول يامشكاي مابه اكنيا
يامشتكي حزنك مع الحرف جالي=وصل الخبر والرد واجب عليا
سلطان سلطان السعد راس مالي=رجل الياجيته من البعد حيا
اختارني مدون الرفيق الموالي=يشكي وانا للحمل في الكفيا
ياصاحبي والحب صبر اليالي=ونته عجول وجت على هسويا
البنت ماشحت عليك الوصالي=وش عاد لو للهجر قالت كذيا
يمكن تغلا طامعه فدلالي=تبيلها قلب بعطفه تفيا
اقول والشاعر فطين وخيالي=وان جاب علمن مايبيله اقفيا
ان جت معك بطيب تم المنالي=سولف لها بسلوب ولا بليا
وان مانفع معها رمينا العقالي=وجينال بجاه مغيرين انويا
جينا بجاه الي يشيل الثقالي=اما بجاف الضيط ولا المحيا
يرخص العينك كل ماكان غالي=بس ايتحقق مطلبك والبغيا
وروحي بكف وكف فيها حلالي=ياروح هيا ونت يامال هيا
دون الرفيق الي شكى ونتحالي=ماعاد فيها يالبناخي كنيا