وين انت للشاعر/فهيد بن عصيدان

[عيد بن شدقان]

هذه احدا قصائد الشاعر المبدع /فهيد بن محمد بن عصيدان

وين انت يا مبعد عن امشاهد العين؟؟=بواجهك...بـس المسافـات عيّـت
حييتني بالصـوت واهـلا وسهليـن=وردّت بيوتـي بالتحيّـه وحـيّـت
طيفك يروالـي واناشـوف ذالحيـن=ويسري علي واسهر معـه وآتبيّـت
بيني وبينـك حايـل البعـد والبيـن=بعـدٍ ضلـوع القلـب منّـه تطيّـت
بعد المسافه..ضد..قـرب المحبّيـن=تقطّعـت منـه القلـوب وتكـيّـت
بعدك عذاب وسمع صوتك عذابيـن=يعني انا في كل الاحـوال ميّـت!!
الاذن شِبعت منّك وجاعـت العيـن=ابعـدت حيـل وشوفتـك ماتهيّـت