حروف القصايد

[العرجاني محمد]

السلام عليكم ورحمة الله وبركاته ..
أضع بين إيديكم هذه القصيدة المتواضعة .

عيـت حـروف القصايـد فـي عيونـي لا تشيـب=كـل ماطابـت هجوسـي جـاهـا عـلـم ونشّـهـا
ماصـويـب إلا الــذي مــن دورة الدنـيـا صـويـب=إللـي لا طـارت حلومـه ولا قعـدت فـي عشّهـا
ضـاع وقتـه بـيـن صـابـت أو عسـاهـا ماتخـيـب=لا خذا من الشام عذق(ن) واليمـن مـا دشّهـا
يالبيـب العقـل ياللـي مــا مـثـل عقـلـك لبـيـب=الـوصــل غـصــون رحـمــة والـهـجـر محـشّـهـا
والخطا لا صار جالـك مـن رفيـق(ن) لـك قريـب=فـلا تدقـق ياالسنافـي فـي الخطـايـا ومشّـهـا
ماخلق في الناس كامل كل شخص وفيه عيب=والنـوايـا الله أعـلـم ! عـــن صـفـاهـا وغـشّـهـا
وأنت لو جالك تخير في الرفيق وفـي الصحيـب=فأخـتـر أحـــرار(ن) نـــوادر والـزلايــب طـشّـهـا
أختـر إللـي لأستشاطـت صامـل ورأيـه صليـب=وأتـرك رخـوم(ن) عرقهـا فــي الـلـزوم يبشّـهـا
الـشـيـاة لـهــا خـــوار والـذيــاب لـهــا قـنـيــب=وأنت فطـن(ن) وتعـرف سرحانهـا مـن كبشّهـا
أبـعـد الله دار رجــل(ن) فــي الـلـوازم ماينـيـب=شغلـتـه يـآكـل وكـفـه فــي الـجـدار يمـشّـهـا
جعل أبيه الشين وأمـه جعلهـا ماتجيـب صيـب=ودار(ن) يـحـل بثـراهـا جـعــل يـقـطـع رشّـهــا

وسلامتكم