مصافحه اولى..عبره حبسها الزمان...

[سعيدالعمودي]

مسا الخيرات اخواني يشرفني الانضمام لكم هنا في في منتدى العجمان.....
وهذه قصيده اولى,,,,اخوكم سعيدالشمري

"ما أدري ألوم الزمن واعاتب أيامي =
وألا ألوم البشر واللي بدر منها
وألا خطأ واحدٍ صدق بالأحلامي =
مشى بها بس يا مشكاي ما أتقنها
هذي حياتي ولا أدري ويش قدامي =
مستقبلي بس دنيا ويش يضمنها
الناس واجد ولا أحدٍ بدد أوهامي =
كلٍ خطاياه صعبة يوم يازنها
بديت بالقاف ما أعرف مصدر إلهامي =
لاشك عندي همومٍ قلت بعلنها
أكتب بالأوراق وأمزج حبر الأقلامي =
بعض الجروح اشتكيها وبعضها أدفنها
أخاف من ناقصٍ يزيد بآلامي =
يقول كلمة وأنا أدري ما درى عنها
وأنا السوالف قصرته خفت لا اللامي =
أخاف منهو خلق خلقه وضامنها
حاولت أسلي خفوقٍ صار منضامي =
وأسلي العين وأنشد ويش محزنها
من مدةٍ صابر يا جرحي الدامي =
عبره حبسها الزمان وقلت أبينها
يكفيك تسقي سواك وخاطرك ظامي =
حاول ما دام الولي بالقلب مكنها
هي مستقرة ما بين الجلد وعظامي =
كنه مع الدم تسري لو تعاينها
هي بالحشا ساكنة من ستة اعوامي =
كنه عصابة وقلبي من رهاينها
كانت هي الحلم يوم الحلم ما دامي =
كانت ضلوعي ولا زالت مساكنها
لا تسألن يا عذولي ليش ما نامي =
لا تنشد الحال لا تكشف بواطنها
خلك بحالك وراقب قصة افلامي =
وأترك مآسي جريح وخذ محاسنها
وكلٍ بعقله يعرف الشرق والشامي =
والمدعي حجته لازم يبرهنها
وهذي الليالي وهذا فعل الأيامي =
وبعض الحقائق تركته خفت لا اعلنها