((( القصيد الجزل )))

[محمد فهد العرجاني]

مساكم الله بالخير والعلم الطيب.


من الجديد بيوتات متواضعه.


صلو على النبي,,,,,,,,

يقولون القصيد أحيان ياتي زين بس أحيان = يجي غث ويعل الروح منـطوقة وترتيبه

وأنا أقول القصايد والشعر وهبة من المنان = لكن أشوف بعض الناس تسريبه وتضوي به

يحسب السالفة كنها سوالف كان ياما كان=قذانا بالهبال اللي يغني به ويهذريبه

ويحسبه غايص بحور ومحيطات وقطع جيّـان= وهو ياجعله اتلا مايودي العلم ويجيبه

مايدري الشعر ماتلعب به البزران والخبلان = ومايدري الشعر له ناسه ومعروفه مناديبه

ومايدري الشعر ما ينباع ولا يشرى من الدكان= أدب توارثه الأجيال ومنها يزود تأديبه

لوِه يشرى لك الله يشتريه التاجر البطران= وقطع عنـّا معانيـّه وتجميله وتخضيبه

أنا اشوف القصيد الجزل... كالوسمي على الصمّـان = يطيح ويخضر الصمّـان بجباله واشاعيبه

وأنا اللي ماأعتبر شعره كلام وصفصفة قيفان= أنا شعري مواقف وأفخر بشعري وأماريبه

وأنا لامن مدحت امدح عريب الساس عال الشان= شجاع ٍ يعجبك فعله ووقفاته واساليبه

وقمت أمدح وانا طربان وقافي يمدحه طربان= وقافي كان مايمدح يمينه تلحقه عيبه

لأن يمناه من فعله تعدت وصف ذرب أيمان=وأنا لاششت مدري ويش أخلي وويش انا اجيبه

جميع انسان يمناه أسمها يالسيف أو شامان= فقط يالسيف أو شامان يلوق لها وتحريبه

ألا مني مدحته والله اني ماني بخسران= مادامه يعسف الصعبه وله سطوه وله هيبه

ولأنها من مواريي وأنا من لابة الشجعان= حرام أنه مايلحق خاطري في قافي الريبه

ومنهو قال لي غلطان أببطي مخطي وغلطان= في عين اللي عيونة ماتناظر غير في جيبه

سوالم