السلام عليكم وصبحكم الله بالخير
أخواني أعضاء وزوار منتدى العجمان , يشرفني أني أشارك معكم بقصيده لاول مره وتمنا أنها تحوز رضاكم وتليق في ذأقتكم الشعريه
وتقبلووو تحياتي
يقـــــــــــــــــــول :
البارحه مابين سجه وتفكير=أداعب المسباح وقدح زقاره
كنت أتعجب فالشعر والأسطاير=شعار عصرن فات وعصر الحضاره
فجأه سمعت صياح بغير بغير=ماكنه ألا محفظن نطق غاره
قلت السبب طيب ؟وقال السعطاير=هاجس ومتسيطر وشوم الصداره
ثم قلت له قدام لا تخلف السير=والنار تدري تبتدي من شراره
مدري صباح الخير ولا مسا خير= ومن ابرك الساعات وقتك الزياره
شرفت في وقتك ولا فيه تقصير=تشكر على وقتك وحسن اختياره
وشبيت نار الفكر ضيقه و تأثير= بالقاف والمعنى تزيد الاثاره
شاعر جديد أحاول أكسب جماهير =أقولها في كل عزم وسطاره
شاعر بحرر ساحت الشعر تحرير= انا هنا للشعر ارد اعتباره
شاعر وشعري غير وأطلالتي غير =يعني أنا أجزل في صريح العباره
والشاعر الواثق بخطواته يسير =ولكل شاعر احترام ووقاره
واللي يصيبه شك ماهمني يطير=ماهمني مدام هذا قراره
والشعر له مطلوب على الشواعير=لابد يتبعها عشيق الصداره
أحساس مرهف قاف معنى وتعبير= خيال واسع وزن يبنى بجداره
لسان ساطي حبك فكره وتصوير =أسلوب راقي فن يفرق مساره
والبير شربه جم ياوارد البير = عدي قراح كبود يطفي الحراره
وياهاجسي والله مالك معاذير =مدام ما توجتني للاماره
وان كان ماتفرق قياس المعايير=تذهل صغار الناس وتطرب كباره
حرام أني لزعلك دون تبرير =وقلب عليك الكون ودمر عماره
ولكن على ماصار كله حصل خير =مثلك من أهل الطيب عرفه تجاره
شعاد أقول ظروف بقعا معاثير = ماعمرها جتني تسوق البشاره
مره علي تركد ومره علي تغير= تغير حزن وهم غاره بغاره
تورد علي قلبي همومه من عصير = وأكن هم القلب وأكتم عباره
لا يازماني شوف همي طوابير =أرحم رحمك الله حالي دماره
والجو صافي ما حصل اي تعكير=الجو صافي ماتحرك غباره
شديد باس وما عليه معاسير=انحمدالله عزني بالجساره
عندي على الصعبات قدره وتدبير= اما تجي بتفكير ولا قشاره
ولا بد من يوم تساق التباشير=هذا الصبر هذا دليل انتظاره
عاد الزمان بخير ورجاله بخير = وهل الوفا والطيب في كل حاره
أتعب على اللي مايعد المخاسير = خسارته بالطيب ماهي خساره
عز وسند لا كشر الوقت تكشير = ظل وذرى من وقته يشب ناره
وليا طارلي دار ربعن مناعير =دقيت سلف الفورد وأعرف مساره
وليا نصيت لمجلسن للمشاهير =ولقيتهم متحاولينن وجاره
شبت قضا وصفر الدلال المباهير= وسولفن تطرب وطيب ونعاره
والضيف لا جاهم بحشمه وتقدير = ومن طيبهم يعلن لهم بفتخاره
من بينهم مرتاح من دون تفكير =والهم عن دار وخلف مداره
من بينهم تدرون وش كني أصير = وأخير من طول الكلام اختصاره
كني ملكت اطيب حلال المناصير= ولا ملكت صكووك برج التجاره
جاني وهو ضايق أبغير بغير = وأنا معه شنيت للحرب غاره
18-03-2007, 10:41 AM
العرض الشجري