حبيبي ترى الدنيا فرص والهدف ملحـوق = تلفت ترى رجلي علـى جـرف تحديره

[(هاوي قصيد)]

قصيده لشاعر العذب \ ناصر بن لقرع الهاجري

ويـاوالله اللـي سـدو البـاب بالطابـوق = وانـا خابـره لـوحً تراقـل مسامـيـره

ولا عاد في جيه سوى طمرةً مـن فـوق = حـرامً عليهـم ليـش غثـو مسايـيـره

عسى من ومر به يامحمد يجيـه العـوق = يجـوّد طريـق الشـر ويضيـع الخيـره

تجيـه المصايـب كلهـا مابهـا مفهـوق = تضيـع دليلـه كـنـه مكـثـر البـيـره

حرمني من اللي كنـه زبيـدي الرقـروق = طرف خايعـن هـب الهبـوب بنواويـره

عليه الفـؤاد يفـز بيـن الحنّـي ويتـوق = كمـا توقـت القطـاع لأقفـت مخاميـره

ليامن ركد شبحه وساقـه حماقـه سـوق = تلقـت يميـن يسـار واستتبعـه سـيـره

اغيب نهـار موادعـه واحتـرم مـاذوق = سـوى لوعـة الفرقـا وهمـه وتفكيـره

مغير استعيد اللي مضى من حنين وشـوق = صبوراً علـى عجفـاه واقبـل معاذيـره

ولا وسوست نفسي على عهدنـا الماثـوق = من الولف كن مابه حدن في البلـد غيـره

ليامرنـي يمشـي تعجبـت كـلـه ذوق = دفعني غرامـي بيـن هرجـه وتاشيـره

سلامي على العفه سلامي على المنطـوق = وذاك القـوام اللـي يتـرجـم تعابـيـره

اذا مـر يـومً ماذكرتـه فأنـا محقـوق = اثـر ولـف خلـق الله حـداد مناشيـره

أغيـب شـوي ومرتـن أذكـره وافـوق = سـوات الكفيـف اللـي دليلـه محافيـره

تصايد لسان الكبد .. وارضف عليه حروق = علـي طبـق أنظمـة الغـرام بحذافيـره

وانا سامع اللي قال دون الحقـوق حلـوق = لكـن الغـلا راعيـه يجحـد تضاريـره

حبيبي ترى الدنيا فرص والهدف ملحـوق = تلفت ترى رجلي علـى جـرف تحديـره

عجايب قد المخلوق يطلب مـن المخلـوق = عسى الله يغفـر الذنـب وينقّـي السيـره

وسلامتكم