هانت لك اشياء بس ( النفس ) ما هانت // رائـعـه مـن روائـع الـشـعر

[بــ ــــــــرق]

الـسـلام عـلـيـكـم ورحـمـة اللـه وبـركـاتــه


صــبـحـكــم الـلــه بـالـــخــيــر


اتــرك هـذي الرائـــعــه بــيــن ايــاديــكــم

البارح الليل ( غير ) ومختلف جوّه=لحظة قضا .( الدّين ) يا ديانها . حانت

يا ( بو مشاري ) بعد جعلك على القوّه=بعض الوجيه انتبه منها ليا مانت !!

مشكور . يالبارق اللي ما صدق نوّه=صحيح ما العن من الهقوه .. ليا خانت

ما عاد فيها حيا وانعدمت ( الخوّه )=الناس جاها بلا . ونفوسها شانت

وانا على فطرتي . وان جيت بموّه=( ملامح الوجه ) لو خفّيتها بانت

والكلمه اللي بصدري باقيه جوّه=اقول هانت .. وهي والله .. ما هانت

دون الخوي ما ذخرت لوقتي وسوّه=شف وشكثر .. شالت متوني ولا لآنت

ارفا الخمل .. لا ظهر . واجيه وانوّه=وادفع ثمن ( غلطته ).. ما كنّها كانت

واحطب له ظلوع صدري . لا طفت ضوّه=واجمّله .. وامدح علومه .. ليا زانت

ما كنت ابي شي .. كان الدافع . مروّه=وعهود عاهدت فيها نفسي . وصانت

مانيب ندمان .. مير الجرح يا ( قوّه ) =عزاي ياكم رجال من ( الوفا ) عانت

يا صاحبي .. كان باقي لي طلب .. سوّه=اللي حصل شي عادي !! هقوه وخانت

لا جيت ( بير ) الصداقه. ( دمّه ) او ( طوّه )=هانت لك اشياء بس ( النفس ) ما هانت

لـــ شــاعــرهــا : ســالـــم حــمـــد



تــقــبــلـو تــحــيـاتــي


بــ ــــــرق