(( شف لمـا اقبلـت تمشـي يادقيـق الخصـر ** كـن وسـط الحنايـا مثـل قـرع الدفـوف ))

[عبدالعزيز اليامي]

بعد الغيــــاااااب

صلو على النبــي ....واذكرو ألله

كـل ماقلـت أحبـك ... قلتلـي وش كـثـر=واسكت أشوي!! مدري وش كثر حب نـووف
المهـم أنــه (لايبـقـي ولاهــو يــذر)=لاعـب السبلـه بحالـي وعيـا يــرووف
مكتسينـي مـن الهـامـه الـيـن الاثــر=مسكنـه فالحنايـا ...والمـسـه بالكـفـوف
ان رضيتـي يجينـي مثـل نسمـة عصـر=وان زعلتي يوقـع مثـل حـدب السيـووف
مامعـي منـه حيـلـه لا ولالــي مـفـر=والبـلاء انـي جزعتـه مانويـت النكـووف
اشهقـه وسـط صـدري مازفرتـه زفــر=وافرش ضلوع صدري له مثل فرش صـوف
واسهـره كـل ليلـه لومـا اطيـق السهـر=واتحـرا وصالـه واعسـف لـه ظـرووف
تدري أش كثر أحبـك ... بـس بالمختصـر=كثـر حـب اليتـامـا للتفـاتـة عـطـوف
واكثـر شـوي مـن كـره الفقيـر الفـقـر=والحزن فى أغنيه من حنجرة (جورج سووف)
شف لمـا اقبلـت تمشـي يادقيـق الخصـر=كـن وسـط الحنايـا مثـل قـرع الدفـوف
وارتجف لك وانا مـا اهـاب حتـى الخطـر=وانحني لك غلاء...وادحـم لعينـك صفـوف
وان تبسـم فمـك والا لمـع لــك نـحـر=قمت أهجيـن واغنـي ياحسيـن الوصـوف
مابعـد هـال عينـي غيـر زولـك بـشـر=ومابعد سـل حالـي كـون حبـك يانـوووف
والمصيبـه تجـي تسـأل غـلاك أش كثـر=وانت تـدري وعينـك قبـل تسـال تشـوف
شوفنـي قـدم عينـك وانـت كلـك نـظـر=بـس تكفـى فديتـك ياحبيـبـي تــرووف

عبدالعزيز اليــامي