|
دين الهوى مالك ومال آعتناقه = بدل طواريق الظلاله بطاروق
ياعاشق الدنيا الدنيه عشاقه = بئس الموده بين عاشق ومعشوق
الله ولاعشق ٍ يبيّت نفـاقه = مبداه خدعة فاتنه وأخره بوق
هيما خواصر والعلاوي دقاقه = وقوامها كنّه من النبت زملوق
تفوق غزلان الضبا بالرشاقه = وتلبس لـ طراد الهوى التاج والطوق
وتسرق قلوب الناس منهم أسراقه = بـ الابتسام وبالتغزال بالموق
وتذّوق الجهال منها أذواقه = الذ من در المتالي من النوق
كم عاشق ٍ بعد أسقته در ناقه = تسقيه كاس ٍ جوفه السم مسحوق
أنصحك ياللي فيك عرف وحذاقه = أحذر تهاويها ولو هزك الشوق
درير ناقتها أبتعد عن آفواقه = وبعهاااا ولو بأقل الاثمان فـ السوق
تراك معها لو صدقت الصـداقه = ترى عهدها معك ماهوب موثوق
دين الهوى مالك ومال آعتناقه = بدل طواريق الظلاله بطاروق
وخلك معى الخالق قوي العلاقه = اللي بنى عرشه على الكون من فوق
اللي ليا باروبك أدنى الرفاقه = ينجيك لو كادوا لك الطاق مطبوق
غازي بن عون
__________________
وين أنت يا اللّي كل ما غبت كني = واقف على باب الأمل وأتحراك
ليتك تعرف اتخون واقول خني = على الأقل .. القى سبب وآتناساك
وليت الزمن فـ محبتك ماخذلني = وليت الهجر من طيب خاطرك وارضاك
وش عاد أسوي يومك اقفيت عني = لا أنا أتبع المقفي ، ولا أحب فرقاك
التعديل الأخير تم بواسطة ناصر بن فالح ; 03-01-2008 الساعة 06:34 PM
|
31-12-2007, 02:14 AM
العرض الشجري