تفنن بالمفردات وابداع لا يدركه الا اصاحب الذوق الرفيع
اتركم مع باقة من اجمل ورود الشعر
حبيبي لاتخف وأنت حرس عرشك بحـر وجبـال=عبـارة واضحـه يعنـي مراسيـنـا ترسّيـنـا
حقيقي والحقيقـة لاعجـب مـا تستحـق إجـدال=وماضيـنـا وحاضـرنـا غنـانـا لا غوانيـنـا
ولازلنا على صـدر الزمـان (مسجليـن أبطـال)=نعـم .. وامجادنـا فجـرٍ تبسّـم معجـبٍ فينـا
علمت أن الخطر والخوف والإذهـال روس أقـذال=تصيح بصوت يا مجنوننـا مـا شفـت صاحينـا
وفاح من الخجل مسك الجمال اللي غدى برجـال=ومدّيـنـا يديـنـا للمـصـالـح واستبـديـنـا
تلال وجنةٍ خضراء وصحراء سيلهـا مـا سـال=علـى ذلـك بـروق أخيالنـا ترعـد صحارينـا
بمعنى عالم الأمـر أول الدنيـا علـى الإجمـال=أعادتنـا صـور تسجيـل ماتـدري متـى جينـا
نسخ بالصوت والصـورة حيـاة مقـدرّة وآجـال=وسرّيـة قـدر غيـبٍ بمـا يضمـر يفاجيـنـا
يسامحنـا قبـولٍ كـان يمنعنـا عـن الإقـبـال=يـدق نحورنـا وأبحورنـا رحمـة ْ مناشيـنـا
من اللي ما يصدق لو أقـول أن الحيـاة نضـال=مـن اللـي مايحـس بقولـةْ أن الحـي يحيينـا
حبيبـي لا تسميهـا سـراب ولا كثيـب إرْمـال=وأنا أفهم وانـت تفهـم ويـش تعنينـا معانينـا
لقيت أن الهوى صمت وصموت وغشمرة وإبسال=يا هل ؟ يكتـب لنـا حـرف أبجـدي ولاّ يقرّينـا
مراكيب الهوى العذري على جمر الغضـا زرفـال=علـى مــر الـعـذاب أتجيبـنـا ولا توديـنـا
يصورها القدر رحلة ويعرضها المصيـر أحـلال=يؤهلـنـا أهـلالـنـا فـعـيـون أهالـيـنـا
روته المعركه قصّـه واجلّتـه السيـوف إنـزال=تبلّـغ سعينـا رفـض التلاعـب فـي مساعينـا
تجلّت حالة البرزخ كهولـة فـي جفـون أطفـال=تلاحقـنـا نـجـاةٍ كنّـهـا تبـغـى تناجيـنـا
وحجم أصغر حجم ذرّة ووزن أصغر وزن مثقـال=بعد قتـل الزمـان اللـي متـى شئنـا يمشّينـا
هبط مضرب مثل واعطى الصعود لضرب الأستمثال=وصوت البحر يمدحنـا وصـوت الريـح يهجينـا
زئير القسورة لـو سبّـح اليـل البهيـم أدغـال=شفـق شمـس الغـروب إفراقنـا ولا تلاقيـنـا
حبيبي ماعليش أهوى التّعمق قبـل أطـق الجـال=على مركـب غـرامٍ مـن سمانـا زار أراضينـا
الشاعر:عبدالله غازي الميزاني [سوار الذهب]
مراكيب الهوى
العرض الشجري