يشرفني اكون معكم اليوم ومعي قصيده من ارقى القصايد للمبدع :: سالم بن جخير ::
استلمو :
لاغنيت يبن جخيـر يامـروض القيفـان
ـــــــــــــــــــ تحزم بربعـك وارفـع الصـوت بلعانـي
تحـن الرعـود ويلتعـج بـارق الهتـان
ـــــــــــــــــــ وتمطر مزون الشعـر وتفيـض قيفانـي
اعرف القصايد قاف معنـى بحـر ووزان
ـــــــــــــــــــ والى جبتها من بـدع راسـي ووجدانـي
اغني وانا شفقان واكتـب وانـا شفقـان
ـــــــــــــــــــ وراسـي لصلفـات الطواريـق يحدانـي
الى جيت ابركـد واتعـوذ مـن الشيطـان
ـــــــــــــــــــ تعزوابـي الجـن المسـمـى ونـادانـي
اسمـي وارتـل ماتيسـر مـن القـران
ـــــــــــــــــــ وبلاي ان معاي جنـون وتـزود اجنانـي
سلامي على العجمان في وادي العجمـان
ـــــــــــــــــــ سلامٍ ينومـس كـل عجمـي وعرجانـي
هل الوقفه اللي فالعيينـه وفـي كنـزان
ـــــــــــــــــــ يسولف بها القاصي ويفخـر بهـا الدانـي
على ذكرهم ركبت صوتي علـى الالحـان
ـــــــــــــــــــ والى من سمعني طيـب الـراس لاحانـي
ياراكان ابن سحمان وين انـت ياراكـان
ـــــــــــــــــــ عليـك القصايـد تعتزيـبـي وتنخـانـي
جذبني نباك وجيـت وانـا وسيـع بطـان
ـــــــــــــــــــ وذكر الرجال اهـل المواجيـب يشعانـي
سلامي عليك امـن القريـات لا نجـران
ـــــــــــــــــــ سلام الغلا من صدري لصـدرك الحانـي
ياشوق الهنوف اخت الستر عزوة الشجعان
ـــــــــــــــــــ اخيهـا لحالـه ينطـح القـوم وحدانـي
على شانها كنـك تسفـح بـلا جنحـان
ـــــــــــــــــــ الى صيحت بسمك وقالـت علـى شانـي
مزاياك واجـد يارفيـع القـدر والشـان
ـــــــــــــــــــ الى جيت اعـدد فـي مزايـاك ماامدانـي
زعيم الكرم منصى العرب مقدم الشيخـان
ـــــــــــــــــــ وسيع البنايـد مكـرم الضيـف والعانـي
بعيد النظر تاج الفخـر مرهـب العـدوان
ـــــــــــــــــــ صعوط المجنن مزبـن الجيـش والجانـي
يادفع البـلا ماكنـك الا خشيـر الجـان
ـــــــــــــــــــ تكـرع بـدم اعـداك وتقـول ماروانـي
على شانك اسرجت القصيده وانا طربـان
ـــــــــــــــــــ عنيت وعنى شعري من اجلـك وعنانـي
لو اني اجيد اية لغـه غيـر هـذي كـان
ـــــــــــــــــــ كتبـت ومدحتـك بالفرنسـي والاسبانـي
مدحتك لحالك من محبه ومـن صفطـان
ـــــــــــــــــــ ولا ابغي سـوى ترديـد ياحـي ماجانـي
وصية شنب ماقالها فـلان ابـن عـلان
ـــــــــــــــــــ ترى ذي وصيـة شايبـي يـوم وصانـي
عساني فدى اللي عزني لين صرت حصان
ـــــــــــــــــــ وعلى العـز وعلـوم الرجاجيـل ربانـي
ترى حن حزام العـز لاشانـت الازمـان
ـــــــــــــــــــ لا قلنا تـرى حنـا لهـا والعمـر فانـي
وقفنا نهار الكـون فالصلـب والصمـان
ـــــــــــــــــــ على الموت نارد مثـل ماتـارد السانـي
نبج النحور ونقطع الروس مـن الامتـان
ـــــــــــــــــــ والى من غزينا كلنا اعبـر مـن الثانـي
لوإنا لحقنا عصـر عثمـان ابـن عفـان
ـــــــــــــــــــ بطشنا وجبنا العيـد فـي كـل نصرانـي
يوقف شعر راسي علـى طـاري الجـدان
ـــــــــــــــــــ واحس ان دمـي يطبـخ وسـط شريانـي
ترانـي طبيعـي لامحشـش ولا سكـران
ـــــــــــــــــــ ولكن صميـدع راس ولسانـي حصانـي
الى من خويت اشفق على دلة الرسـلان
ـــــــــــــــــــ والى من نهجت انهج على نهـج جدانـي
امثل هل السمـرا ليـا جيـت فالميـدان
ـــــــــــــــــــ وعساني على القـوه وصـح الله لسانـي
اعد الحقايـق واكـره الـزور والبهتـان
ـــــــــــــــــــ وببقـى علـى ماقلتـه ان الله احيـانـي
وهذي عوايـد صـادق القلـب والايمـان
ــــــــــــــــــــ وعسى الله يثبتنـي علـى قـوة ايمانـي
واذا مامدحتك وانت راكان ابـن سحمـان
ـــــــــــــــــــ فلا خير فـي شعـري ولا خيـر فلحانـي
واذا كان هتلر شاع ذكـره مـع الالمـان
ـــــــــــــــــــ تراك انت هتلـر غيـر ماجابـك المانـي
31-01-2008, 10:05 AM
مزون الشعر لـ سَالِمْْ بِنْْ جخيرْْ
العرض الشجري