جعل ظني في قلال البصايـر مايخيـب=عالـم ٍ لاشافـت الطيـن زادت بلّتـه (دره)

[فهد بن مطلق]

تــحــيــه لـلـجـمــيــع

قـصــيــده مـتـواضــعــه ...!اتمنـى ان تنال الرضى




صلوا على النبي
.
.
.
.
.
.
.
.
.






‘‘ ‘‘ ‘‘ ‘‘

واعنا قلب ٍ من الوقـت عيّـا لايطيـب=الضـروف أحتدتـه والهمـوم أحتلّتـه

بين راس ٍ مايسلّـم وحـظ ٍ مايصيـب=ياكثـر ماعـزّرت بالضميـر وملّتـه

اشهد انها شيّبت بي قبل وقت المشيـب=غلطة ٍ هزّت ضلوعـي وقلبـي تلّتـه

وأتظاهر بالسلامه وأنا قلبـي صويـب=وأجتهد في مسح دمـع ٍ عيونـي هلّتـه

وكل جرح ٍ للدوى يمكن انّـه يستجيـب=البلا في الوقـت عيّـت تـداوا علّتـه

وأن نويت أجحد وأكابر ياذاك أني طبيب=أستجد الجـرح والوقـت غيّـر ملّتـه

مابقى للصبر طاقه ولا للطيـب طيـب=والسكوت أصبح وجـوده يشابـه قلّتـه

وش يفيد الصمت والصد مايرضي قريب=شَلّتـه سـود المشاريـه والاّ خَلّـتـه

جعل ظني في قلال البصايـر مايخيـب=عالـم ٍ لاشافـت الطيـن زادت بلّتـه

ودمت لي ياهاجس ٍ لازهمتـه مايغيـب=من هجوس ٍ لانـوت بالقصيـد أندلّتـه

خابرك لاصرّم العلم والموقف صعيـب=تنثني في شـف قلبـي وتحمـى حِلّتـه

اعسف مهار المثايل وجيب اللي تجيـب=من خفوق ٍ جاد هيضه وفاحـت دلّتـه

وأخذ من جزل السوالف موفية الطليـب=مضرَب ٍ يمكَن صوابـه وتفـرا سلّتـه

لين يقنع ضامي الكبد مقطوع النصيـب=قبـل لايـزداد جـوره وتكبـر زلّتـه

ماعلى من واجه الناس بالحق المصيـب=خاتمة من واجه الحق !! بانـت ذَلّتـه

ومن جعل نفسه مابين الاشاره واللبيـب=ايهبا لاأدرى خمالـه ولا أرفـى خِلّتـه

‘‘ ‘‘ ‘‘ ‘‘



وسلامـتـكـم



سعد ابن شفلوت