الا ياهجوس الشعر كيف انت كيف الحاااااااااااال

[حمود بن فطيس]

مساكم الله بالخير احبائي اقدم لكم هذه المتواضعه التي اتمنى ان تتقبلوها بصدر رحب

يقولون لاتصرف من المال ولا زال=على صرف ماعندي وذا ورث جداني
كسبت العلوم الطيبه بين عم وخال=والى من حداني وقتي آجيه متفاني
عشقت الطويله والطويله بها نزال=نزل قلبي براس الطويله وخلاني
عشق مرقبي قلبي والى جيت ضايق بال=فصح الله شعوره وصح الله لساني
اجيب القصيد اللي يحبه بدون اشكال=وآسليه في خلواه واعد بلعاني
بقهويه من فكري وازله بوسط دلال=بعد يقدع المعنى بقهويه قيفاني
والى شكر الفنجال باثني الفنجال=واثلث له الفكره واسرج له حصاني
الى من تهقوابي رفيقي فأنا رجال=اشرفه فالقاصي واجمله فالداني
والى جات من ربعي مكاتيب في مرسال=فلانيب متردد ولا نيب متواني
عزومي تسند بي على طيبين الفال=على لابتي وان جا لزومن بتلقاني
اهل سربتن تخطي ولا تقبل العيال=نهار الملاقا حضروا كل شيطاني
والا ياهجوس الشعر كيف انت كيف الحال؟=لك ايام مامريت قاعي وريضاني
بعد جيتني يامرحبا والعلوم جزال=ابقدح على راس الفتيله بميداني
عسى الغيمه اللي دمعها وابلن همال=بتحيي هشيم عروق ذربين الايماني
الى روحت مع خايع الدو بالزرفال=غطاريف ذودن لاادبر الوقت تشعاني
بسند عليها وازعج الصوت بالهوبال=واباقول ياهل العرف من حر ماجاني
انا لي مع الطيب مواثيق عهد وصال =الى كبرت القاله وضاقن الازماني
اسوق الرجل للمعضله والرجال جبال=وانا ماثنيت الرجل يوم العمر فاني
عسى الله يجملني واعرف الحمول ثقال=لها يبرك الرجال مقفيت الاضعاني

وسلامتكم


حمود بن فطيس