وش خانت الرجال لامات مانار....ماعاش من لابان خيره وشره

[سماوي بن نجم]

هذي القصيده قالها الشاعر عبدالله بن كليفيخ اباالجيش
في والدي جطلي بن ورده

بسماك ياكاشف خفيات الاسرار=بيدك مسرة الادمي والمضرة
لاقال لشي كن في لحظته صار=سبحان رب معتلي في مقره
يالله بتوفيقك وسترك من العار=يامنزلن جبريل باعظم صوره
من بعدها حثيت رجلي بمسيار=لشيخ قوم عامرات ديره
نور البدر يكفيك من نور الاقمار=يكسح جميع انوار الاقمار مره
شعاع نورك يابدر سفر الدار=يطمس مصابيح السماء في المجره
تسري على نورك مراحيل الاسحار=وتخلف لكم جيل رسم وجره
تبقى لهم فالوقت رمز وتذكار=مجد السلف لابد ينعاد كره
سلام والتسليم ينعاد تكرار=يامن على روس النوايف مقره
مكانتك ياحر من بين الاحرار=ومن لاذبه من جور وقته يسره
لديت طرف العين من بين الاقطار=القاف في غيرك علي ايتشره
تنصاك ياجطلي ثمينات الاشعار=يفداك من عاش الزمان مغره
اليا تمارو بك طويلين الاشبار=ماتوا خصومك يابيض الوجه حره
اسمك يابن ورده غدا اشهر من النار=فوق العلم ومعاكس الريح فره
ضليع شعر وفيك مانيب محتار=الطيب بحر وانت فيه المبره
نورت في شعري كما نور الافنار=اللي سواتك حيد الله دره
مشيت مشوار وكنسلت مشوار=من عقب دجت الدار بحره وبره
ماعاد عنك يمين روحه ولايسار=من واحد لو فر عندك مفره
عليك يافرز الوغا كل الانظار=الضاعني بين الحبال يتدره
اعطف علي بنظرة الوالد البار=للعين قره وانت للعين قره
وش خانت الرجال لامات مانار=ماعاش من لا بان خيره وشره