السلام عليكم ورحمة الله وبركاته
سمعت هذه القصيده الاكثر من راااااائعه للشاعر الكبير بندر بن سرور
وحبيت انقلها لكم
ان شاء الله تكون على ذوقكم
سر ياقلم مالي على الصبر طاقـــه .... صبرن تعدى الحد ماعاد ينطــــــــــاق
اكتب لمثلي قصته واشتياقـــــــــــه .... في خطك الواضح على بيض الاوراق
قصة حزينن صافي المر ذاقــــــــه .... اليا ذكر ماصارله خاطره ضــــــــــاق
باقوبه الاصحاب والوقت باقــــــــه .... وصارت ضحيه بين بايق وبـــــــــواق
يمشي وهو ماحس في كسر ساقـــه .... امسى على ساقين واصبح على ســــاق
وهذي سوات الوقت شين الصفاقــه .... الوقت لو يصفيلك أيــــــــــــــــام ذراق
ان شان قطع عنك كل العلاقــــــــه .... وان زان خلى لك مع الناس عشــــــــاق
ومن شان معه الوقت قلوا رفاقــــه .... وراحت حياته كلها هـــــــــــــــم واذلاق
والله خلق خلقن تحب اللباقــــــــــه .... كما خلق له خلق ماعندها اخــــــــــــلاق
احدن يعيش بخير واحدن بفاقـــــه .... واحدن يعوق ايام وايام ينعــــــــــــــــــاق
واحدن معه حكمه وصبر ورواقـه .... سبحان منهو للمخاليق خــــــــــــــــــــلاق
لكن يامن معك صبر ووثاقـــــــــه .... ابنشدك كانك للامثال تشتــــــــــــــــــــاق
من رغب في فرقاك ارغب فراقه .... جازي الذي يجزاك فراق بفـــــــــــــــراق
وتعلم التعشيق قبل السواقـــــــــــه .... ولا تحسب انك بالدرقسون ســــــــــــواق
ورزقك يجيك بدون تحضر بطاقه .... وعند الله المعبود تقسيــــــــــــــم الارزاق
يقوله اللي جاير الوقت عاقـــــــــه .... ولازال في غيبوبة الهم مافـــــــــــــــــاق
من العذاقه بادين بالعذاقــــــــــــــه .... واللي يوده صار شوفه بالاشفـــــــــــــاق
ولا قال هذا القول قصده طفاقـــــه .... ماقال هذا غير من نار الاشــــــــــــــواق
وسلاااااااااااااااامتكم
04-05-2008, 04:13 PM
العرض الشجري