يقولون ماودّعك .. قلت الفراق وصار/لـ الاسطوره متعب التركي :)

[قبلة العذارى]

سلام عليكم .. واسعد الله اوقاتكم بكل خير

.
.
.

بدون ايّ مقدمات .. رائعه للاسطوره / متعب اتركي .. عسى ان تشبع ذائقتكم الشعريه


صلوا على النبي ..

/
\
/

دليل المحبه شوف عيني عليـك تغـار=ولاودي الحاسـد عيونـك يطالعـهـا
مع إنك رحلت بعيد .. لكن بقى التذكـار=ليا شافتـه عينـي تسابـق مدامعـهـا
دفنت الغرام بخافقي .. والقلوب أسـرار=مشاعر هقيـت إن الليالـي تضيعـهـا
فرحت برجوعك .. ماطلبت لخطاك اعذار=ونفسي نست ماجرى مـن ( تواضعهـا)
تهادت مشاعرخاطري لك بـلا معيـار=تجاهلتهـا .. لو كنـت خابـر دوافعـهـا
يقولون جنّب درب مالك معـه معبـار=يلومون نفسٍ بعـد الاحبـاب موجعهـا
يقولونها قبلـي (يخـون البحـر بحّـار)=والآمواج لاهاجت خذت ماتبي معهـا
تكاثرت منك الصد .. وأثرالعلـوم كبـار=لقيتك علـى نفسـي تقلّـب مواجعهـا
اقوله وأنا اللي شفت ذاك الغلا ينهـار=يشوف الندم رجّـال نفسـه يطاوعهـا
مثل ماضرب جّوٍ خلا غـاي محتـار=يدّوج .. ورجله مـادرى ويـن موقعهـا
تعرض سموم القيض .. والدار مامن دار=هليك .. وشعر بالموت روحـه ينازعهـا
جحدت الغلا لين امتلا بالخفوق .. وثـار=قصايد عساها اليوم تطـرق مسامعهـا
غرامك مثل نارٍ حطبها الغـلا .. والنـار=تموت .. وغـلاك اللـي بقلبـي يولعهـا
غلاك بضميري واضحٍ .. ماعليـه غبـار=تشيل الغلا نفسي .. وأنا عاجـز امنعهـا
يقولون: ماودعّك؟؟ .. قلت: الفـراق وصـار=والإنسان روحه تنسلـب مايودعهـا !
هذيك الليالـي ويـن ؟؟ .. أثرالزمـن دوار !!=خذاهـا .. ولاظنـي زمانـي يرجّعـهـا
طوتها السنين .. ولابقالي سوى التذكـار=ليا شافتـه عينـي تسابـق مدامعـهـا

وتمت .. سلاموا عليكم


القبله