الشيخ سعد العبدالله السالم الصباح؟؟؟

[المـــرقاب]

السلام عليكم ،

توفّا هذا اليوم شيخ من شيوخ الكويت يحبه كل الشعب
رحم الله الشيخ / سعد العبدالله السالم الصباح واسكنه فسيح جناته
تعبير متواضع وسريع ..




[img][/img]

تقوم الليـال بدورهـا والزمـان يـدور=الأيـام منساقـه .. والأقـدار منـقـاده
كتبها الحفيظ اللي حفـظ بيتـه المعمـور=خلقنـا نعبـده وأسعـد الخلـق عـبّـاده
هو الآمر الناهي وأنا المنهـي المأمـور=ونفسـي تريـد ولا لهـا غيـر مـا راده
وهبني ولا قد جيـت للموهبـه بقصـور=أغنـي بفضلـه وأرفـع البيـت بأوتـاده
ولا ينكسر قافي ولـو خاطـري مكسـور=على الهون يـا اللـي للمجاريـح نقّـاده
بدت نشـرة الأخبـار وأخبارهـا بالـدور=وهذا خبر حالي .. وهـذا خبـر سـاده !
وهـذا وراه الشـرّ والعلقـم المـمـرور=يفـجّ النحـور ويسهـج الحـزن بقيـاده
توفّـا طويـل البـاع والقايـد المخبـور=سليل الشيوخ ومعتلـي صهـوة جـواده
حبيب القلوب اللي لشعبه مضـا لـه دور=فنا .. حبّ شعبـه ينقلـه داخـل فـواده
ولد من رسم نهج السياسه وأبو الدستور=على نهجه اللـي راسمـه قامـت بـلاده
كريم السجايا سيرته مثـل مبـدا النـور=على الدرب الأبيض سار من يوم ميـلاده
ولي العهد في حقبـة ٍ وضعهـا مخطـور=ليـا زادت الشـدّه ثبـت عزمـه زيـاده
سعد والسعد فاله لا قام الزمـان يجـور=شجيع ٍ على روس العـدا يقـدح زنـاده
طواه المرض وأعياه وأستسلـم الدكتـور=وسلّم تقاريـره مـع الجـرح وضمـاده
قضى حكم ربي والقضاء ما يرد الشـور=يسـود ولا تقـواه المماليـك والـسـاده
أحبّه وانا مع مـا يكـنّ الخفـا مجبـور=عيوني بكـت ودموعهـا ماهـي بعـاده
رحمك الولي يا ميّـت ٍ بالوفـاء مذكـور=علـى فقـدك قلـوب المخاليـق حـداده
عسى وجهك الأسمر في يوم النشر ماجور=تحت رحمة الله يـوم كـل ٍ ومـا فـاده
يضفّك مع أصحاب النبي في جنان الحـور=ومـيـرادك اللهم آمـيـن مـيــراده

وسلمتوا ،،


للشاعر سداح