صباح الخير ,
توني قايم ورقدت يوم ابن شرفان ترتيبه 11 بس كنت من المتفائلون 
ومبروك الفوز ولوان فرحتنا ماكملت بالبصيري لكن الحمدلله على كل حال ,
والبيوت مسويها على الكيبورد وعجل فإسمحولي على قصورها مقدماً .,
يايام , يالعجمان , يالمرّه , مواريث الجدود=انتم فروع الشجْره اللي نستظل بظلّها
وانتم هل الوقفه بيومٍ ماتبلّ ابه الكبود=تروى بها كبود , وكبودٍ ميّته في غلّها
قالو : لكم 3 كراسي مالكم فالزود زود=وقلنا : لوانكم حاسبينٍ كثرها ؟ ياقلّها
دون الكراسي نبذل المجهود ونحثّ الجهود=اما تجينا كلّها , والاّ تروّح كلّها .!
سرنا نهارٍ بان فيه المقْدم , وكص الشرود=وتحالفاتٍ مايِميّز دقّها , من جلّها
فزنا , وعادتنا الظّفر والعود في عين الحسود=والاربع كراسي غيرنا ياغيرنا , يامن لّها ؟
ف ياللي تكوسر باللحون وصوتك ايذيب الحيود=ولاتهون , بيوتي اللّي في ربوعي شلّها
عاداتنا , فالماقف الغصّاب والكايد نكود=واللّي يقول الملحمه يامن لها ؟ ( يامٍ ) لّها
نقبل على صوت الندا , ونبين لأمّات الجعود=ناتي مطانيخ , وحمايانا تجي في حلّها
حنا هل الوقفات لامن حكّ عودٍ راس عود=أقولها واللي عقد روس الحبال يحلّها
وسوالم
18-05-2008, 10:45 AM
العرض الشجري