ليتني ذيب الأرض إن ضاقت بعين ذيب=كل ما أرقب على ميهاف رجمٍ عوى .
يدرك دواه في جر العوى والقليب=ولا أنا لو أجر الصوت ما من دوى
في ضلوعي هواجيساً تحضر وتغيب=كل ما أزعج سكون الليل نسمة هوى
عز طاريك ياشمعة هذاك الشعيب=في سماريد ليلي لك شموع وضوى
شاب صبري ووجدي فيك عيّا يشيب=أتجلد ..وأنا نفسي عليك شهوى.
كم تمنيت قربك . مير ما من نصيب=والقوي الله إن كان البخت ماقوى.
أودعتك الظنون بعشرتي مستريب=وأنت لو تطلب الثنتين مالك لوى
للشاعر بداح العبلان
العرض الشجري