ليه العرب تطمع بلبـس ثيـاب غيـر ثيابهـا .. !!!

[صمــت اليتــاما]

السلام عليكم ورحمة الله وبركاته

ياليل ضيّعت السؤال اللـي لقينـا لـه جـواب=وأجبرتنـا بالكلمـه اللـي مانبـي نبدابـهـا

وانت الذي لاهب نسناسك وسرّيـت الركـاب=مارد صوتك في الجبـال اللـي تلـج ذيابهـا

امّا حسبت حساب شي ٍ ماحسبنا لـه حسـاب=والاّ تبي تعرف بعض الاحداث ويش اسبابهـا

كلش ولا المشروه لايلحق عزيزيـن الجنـاب=لا كبرت الدعوى عسـى الصديـق مايشقابهـا

حقي عليك بنجمة الصبح ان بدت والقاف شاب=وحقك عليّ ان ضاعت الحجـه وأنـا طلاّبهـا

ياليل قل للي يعرفون الخطـاء قبـل الصـواب=ليه العرب تطمع بلبـس ثيـاب غيـر ثيابهـا

مدري ذكى والاّ غبى والاّ حركـات الشبـاب=بس الوكـاد ان اكثـر العـرّاف ماترضابهـا

واللي من هيامه على الامداح يطرق كل بـاب=لـو طـق بـاب ام الكبايـر ماتعـدّى بابهـا

ليته درى ان من طاول أطول منه يبشر بالعذاب=وان سلم من ضرس الليالي ماسلم مـن نابهـا

مأحد ٍ وصل قمّة سنام المجد مع درب العيَـاب=لابد ماتنزل بـه الخطـوه قبـل يرقـى بهـا

والهقوه اللي تروي الضميان من شوف السراب=مثل الخرز في سبحة الشاعر لامنْـه اومابهـا

ياليل دقّق في السوالـف لاتفكـر فـي الثيـاب=الاولـه !! والثانـيـه يالـيـل وشتبغابـهـا

أنا لو أزعل جات في وجه المؤلـف والكتـاب=خل الهروج العمي لابوها لابـو مـن جابهـا

ماني بأبن شفلوت شوق الترف نقّاش الخضاب=أسم فرق بيـن الاسامـي والرجـال ادرابهـا

ولا ابن من داسوا على الخيل البسيطه بالحراب=ان ماجعلـت مشفّـح العالـم تحـب ترابهـا

أما غدا وجـه الشبـه والاّ بـدا بعـد الغيـاب=والاّ قلعنـا خيمـة الرحـلات هـي وأطنابهـا

ياليل عان الواقع المحسوس مادونـه حجـاب=لكن عبـاد الله عـن الواقـع تعـوج ارقابهـا

واللي يـدوّر واقعـه لايلتفـت يـم السحـاب=شمس الضحى من ناشت عيونه تحت أهدابهـا

هذا كلام ٍ موجزه يقصر عنـان أبـو الشبـاب=والعلـم كلـه دونـه رجـال ٍ تمـس أشنابهـا

لكن ترى نَص السؤال اللي لقينـا لـه جـواب=ليه العرب تطمع بلبـس ثيـاب غيـر ثيابهـا

سعد ابن شفلوت





اختكم


: