دار الزّماااان ؟!؟

[كميّخ الهاجري]

السّلام عليكم ورحمة الله وبركاته,



مسّاكم الله يالخير جميع / صبّحكم الله بالخير,



إليكم هذه المتواضعه التي أتمنى أن تشفع لي بعد هذا الغياب الطويل.



صــــــلـّــــوا عــلــى الــنـّـبــي,

الله معاك وجعل ربّي يهنّيك=والله يجيرك من صدوف الزّماني
ياجعلني ماذوق حزنك ولا أبكيك=ياوّل غرامٍ ساد وسط المحاني
أحلى ليالي العمر في راحة ايديك=وأغرب صدوف الوقت يومه بكاني
تمرّني في النّوم وأفزّ وأسريك=وأضمّ طيفك وأحسب إنّك وزاني
وإلى وعيت أضحك وأصوّت أناديك=وأقول شوف الحبّ وينه رماني
لا واخساره ماتهنّيت أنا فيك=دار الزّمان وهدّ كلّ المباني
أوّل تجيني لا بغيتك وأنا آجيك=تحكي وأنا أسمع منك عذب المعاني
تقول يا كميّخ هو أحدٍ يراعيك=وأقول غيرك مانطق به لساني
لا تحسب إنّي طول ذا الوقت ناسيك= ماغبت عنّي من عرفتك ثواني
والله معاك وجعل ربّي يهنّيك=دام الزّمن قد هدّ كلّ المباني