معاناة عاشق

[ابو محسن]

اخواني الاعزاء اقدم لكم هذه الابيات وانا ارجو ان تحوز على رضاكم وتنال اعجابكم :

البارحه في مرقدي ما تهنيت = عيا لذيذ النوم عيا يجيني
قمت اتقلب ساعتينً ومليت = وخليت مرقادي بعد ساعتيني
واليا طرالي ناعس الطرف ونيت= وازعجت من حولي بكثر الونيني
وعديت في روس الطويلات عديت = في ساعةً كل البشر نايميني
انااشهد اني من هوى البيض عانيت = الله على حب العذارى يعيني
لانيب لا حيًّ ولاني بعد ميت = مدري اروح ايسار والايميني
كم مرتً انسى انا كم صليت = من دون مدري زايده ركعتيني
يا ليت ليت اتفيد لو قلت ياليت = لكن وينك يا حبيبي وويني
صعبه تجي الدنيا على ماتمنيت= عليك ذاب القلب والله وعيني
ياصاحبي شفني تراني توذيت= زادت من الهجران الامراض فيني
ارفق علي ياللي عليّه تماديت = غيبتك يوماً تنحسب بالسنيني
خل الغلا خلّه دقيقه إذا جيت = تراه ما يصلح مع العاشقيني

[move=right]وسلامتكم[/move]