ازف اليكم بين روعة بساتينكم ورونق حروفكم حروفي المتواضعه كتلميذ يقدم مواهبه لاساتذه ويكون قديمي الجديد بينكم
وهذه الابيات لها المعنى الكبير والقصه التي عاصرت سنيني
واليكم من يدوس الشوك
من وجودي فز قلبي بلحشى صاح الضمير=فكري الضامي تصدر ثم وردلي نكاره
اضرب ظنوني شمال وهي جنوبٍ تسير=حدر الهاجوس فيني ثم سندبي ركاده
شفت في وقت الغرايب فوق سلك من حرير=دنيتا فيها العجايب فاز من حصل مراده
من يدوس الشوك حافي يجرحه واطي المسير=ومن غرس بذر المحبه يجني الخير بحصاده
ومن تصدى للعواصف في زوابعها يطير=ومن رخى الهامه حكيم وبنهايه له سياده
ومن بغى درب المعزه يسلك الدرب العسير=دنيتك ماهي تمني كلها صبر وجلاده
الدواء ماهو ينفع للذي سقمه خطير=لو تبع وصف الطبيب ودار ماخلا عياده
والكرى ماهي تجيبه فرشتا فوق السرير=دارت ايام وليالي عايفا ترف الوساده
يوم تحظنك الاماني بك تدور وتستدير=يوم ثاني ماتعرفك تذكر ايام السعاده
الدوام امره محال والمدبر باالمسير=كلنا حق نموت ياعسى الموته شهاده
مع تحياتي للجميع
فتى الجــــــــــــزيرة
(ف)27
29-10-2004, 02:47 AM
العرض الشجري