قصيده عسا ان تنال على اعجابكم واستحسانكم ..
الا ليت مالي قلب واحـد ولـي اثنيـن = مثل مايصير يسار مثله يصيـر يميـن
يكون المكان اوسع واحبك هنا وهنـاك = محبتك من قلبك وانـا احبـك بقلبيـن
والا ليت كل هموم قلبي ماهـي فرقـاك = والا ليتني يازين مـن ربعـك الادنيـن
مابي منك غير اسبوع من كل سبع ايام = ولاابغى سوى ستين ليله من الشهريـن
جميع الليالي ودي تجـود فـي لامـاك = تعبنا من الويك ند ما تكفـي اليوميـن
تزين الظروف احيان والا تشين احيـان = اذا انك معي ماهو بلازم تزيـن تشيـن
تقول الحلا واجد واقول ايه بس انـواع = ولكن بعد به فرق حلوين عـن حلويـن
يوم ان الحلا بعضه حسب جودة المكياج = جمالك طبيعي ماا نت في حاجة التزيين
حلاك اقتصادي واوفر لوقتك المحسوب = ولاجيت تلبس كل لبـسٍ عليـك يزيـن
قبل يطلعون الناس يبقـون بالساعـات = وقوفك أمـام مرايتـك بـس ثانيتيـن
اجل ماتشوف الناس دايـم ليـا مريـت = هذا قطّع شفاته وذا ما ارمشت له عين
تهامز عليك متون وتميل منـك ارقـاب = ياكم قلب حبّك مير تقصر عليـك يديـن
هلا مرحبا ودلال شعري عليـك تفـوح = من الشوق والا الوجد تغلي على نارين
تبيني وابيك وكل ليلـه زعـل وعتـاب = نبي نغير الموجه نبي نكسـر الروتيـن
تثنى هنا بشويش ميل كـذا بشويـش = وابقوم اغني لك بصوتي ولاهـو زيـن
اغني من الطنخه مااغني عشان النـاس = هـذي ليلـة ٍ مامنهـا بالعمـر ثنتيـن
تثنى ترى شوفك يبعّد عمـاس الـراس = ترى قربك لجسـمٍ مهاويـك فيتاميـن
تعال اجلس بجنبي نبي نقهـر العـذال = عشان ان حكوا فينا يعرفون حنا ميـن
وسلامتكم .. سطام البندر
العرض الشجري