*** يا بوسعد وأن ضاق بالي ***

[عبدالله بن منصّر]

السلام عليكم ورحمة الله وبركاته

الدين النصيحه فتقبلو هذه النصيحه


يا بوسعد وأن ضاق بالي تقهويت = فنجال بريه يعدل مزاجي

يوم البعض كيفه معسل وباكيت = بن اليمن هو كيف لي والعلاجي

البارحه يوم أهجع الخلق ماأمسيت = سهرت أسامر نجمة الليل أناجي

أناجي اللي مخرج الحي والميت = سبحانه القادر رجا كل راجي

الله ولا غيره دعيت وترجيت = مابين دعوتنا وبينه سياجي

أنه يثبتني على الدين تثبيت = ويجعل محمد قدوتي وأنتهاجي

أخطي وأنا من قلة أيماني أخطيت = مثل الكبود اللي أرتوت باالهماجي

ياالله أنا عبدأ ضعيفن وزليت = وأتوب لك من زلتي وأنعواجي

مارحت أدوج وسط الأسواق وأهيت = مثل الشباب أمتبعين الغناجي

جوالهم ماينطفي لشاشته ليت = البحث جاري بين عاشق ولاجي

بنت الشرف ماتلتفت للسرابيت = مصيونتن ماداوجت كل داجي

بنتن عفيفه ماتوايق من البيت = ولاكحلت للناس سود الحجاجي

من صانت العفه لها طيب الصيت = بين الرجال أمدورين الزواجي

من شانت وقالت حسافه وياليت = ماعاد ينجيها من الله ناجي

الله وعد في ساعتن لا تعريت = يوم الحشر والخلق عاري يناجي

ساعة فرار الخلق كانك تناسيت = أقرأ كتاب الله وتلقى نتاجي

الموت ماله لا منبه وتوقيت = الرابح اللي محتسب له ولاجي

ياالله بحسن الخاتمه وأن توفيت = وياالله جعل قبري وسيع الفجاجي

أختامها يارب سلمت وصليت = على شفيع الخلق يوم التناجي


وسلامتكم