مـساكم اللـه بالخـير ..
هذي اول قصيده انزلها لكم ..
ولانستغـني عن نقـدكم البـناء ..
تدري وش اللي ذبحني وأنـا حـي
غرو ٍٍٍٍِِ ليا سلهـم عيونـه وسيعـه
ماعاد باقي من حياتـي ولا شـي
نرجي العوض يازين عقب القطيعه
الروح بين يديك تاقـف وتمشـي
تآمر وتنهـى ياحسيـن الطبيعـه
حبك بوسط القلب خيـم ومرسـي
يرسي كما ترسي الجبال الوديعـه
حبك رسم في القلب ماعاد يمحـي
إلا ان تمحى الناس سنـه وشيعـه
حبك كوى قلبي بجمر الغضا كي
الحال ناحل والضماير وجيعه
عليك عيني بازرق الدمـع تبكـي
والدمـع للمشتـاق مابـه نفيعـه
لو تهرج الهراج لا اسمع ولا اوحي
أقول روحـوا فالفجـوج الوسيعـه
أصبح بهمك ياريش العين و أمسي
واقنب كما تقنـب ذيـاب مجيعـه
المشكله ماتدري الناس مـن هـي
خلي تراهـ مـن البيـوت الرفيعـه
من دونها الحسـاد تقبـل وتقفـي
أقبـل دهـر قلبـي وقفـا ربيعـه
من طب في بحر المحبيـن مبلـي
من يشتري قلـب مولـع وأبيعـه
نار المحبه ياعـرب تنجـح النـي
وياما جرى لأهل الهوى من فجيعه
عنتر على عبله طواه الهوى طـي
ومجنون ليلى راح روحـه نزيعـه
وعينت ابن عدوان يسهر ويشكـي
من حب وضحى لين فارق نجيعـه
وأنا ترى حب الغضي مسرفن فـي
الحب ولع فـي ضميـري وليعـه
اسرح مع ذكراك في الحب واسري
يامرني الهوجاس غصب(ن)واطيعه
الحب للعشـاق يقضـي ويمضـي
يقضي عليهم مثل حكـم الشريعـه
.. الـشـاعـر / فـهـد بـن نـاصـر العـرجـانـي
25-07-2008, 01:51 AM
العرض الشجري