للوسم وقت وبارق المزن جذاب

[محمد أبو زيد]

السلام عليكم

قصيدة ((( الوسمي ))) للشاعر هادي بن سعيد الهـــاجري

قدام تلزًمنـي مطاليـب واسبـاب =خلوني اخذ شف قلبي وانـا حـي

للوسم وقت وبارق المزن جـذاب =والرجل من دون العزيمه ولا شي

خلوني ادله بين ريضان وشعـاب =في حزةٍ والشمس من دونهـا فًـي

احب مشرافٍ على راس مرقـاب =حب العشيق اللي وقع في هوى مي

واحب ليلٍ فيه نصف القمر غـاب =واعشق انجومٍ في سماها لها ضي

واحب شغمـومٍ للامجـاد طـلاب =واكره حديث اللاش ومشاهد العي

عوايدٍ كم عارضوها مـن احـزاب =هي اول المطلوب واخر طلب هي

مادامت الدنيا لبـو زيـد وذيـاب =حتى لنا تبقى على طـول ياخـي

لابد من يومٍ علـى العبـد غـلاب =لحظة زمان وتنطوي صفحته طـي

والرابح اللـي للنواميـس كسـاب =ياخذ من الناموس شيٍ وهو حـي

وسلمتــــــــــــــــوووا