ياعظيمة كل شي لـه حـدود ولـه نهايـه****لكن أنتي ماوقفتـي عنـد حـدك ياعظيمـه
أستلذيتـي بطعناتـي وأخذتيـهـا هـــوايـة****كن مالك حربة ٍ توجـع وطعناتـك أليمـة
اه ليتـك ماتماديتـي بطعـنـات البـدايــــة****لين صار لكل طعنة في الحشا معنى وقيمـة
الله يبيحك ولكن كيف فـي أغـرب روايــة****تكتبين الحب كذبـة والهـوى دقـة قديمـة
وأنتي اللي كل ما لدت عيونك في المرايـة****مالمحتي لليتيم اللـي خـذت قلبـه يتيمـة
واليتيمة في اليتامـا مالهـا حـق الوصايـــة****الوصّيه عودها الغـض ونواياهـا السليمـة
لكن أنتي صار لك حق الوصايـة والــــولايـة****وإستبديتي بشـد البـدو وأضحيتـي مقيمـة
مارحلتي لين حطمتـي بمـا فيـه الكفايـــة****عاقل حب الجنون وصوت نارك في هشيمة
أستبحتي حرمة المجنون بـإدراك وعنايـــة****وإلتفي له بعقلك وإرتكزتـي فـي صميمـة
إمتلكتي غايتـة لوكـان مالـه فيـك غــــــايـة****وإنتصرتي في عيونه وإعترف لك بالهزيمة
من كثر مايعشقك ماقال لك في الحب رايـة****خايف الأيـام لا تطلـع عواقبهـا وخيمـة
في طريقك كل ماكنه لمـس درب الهدايــة****تـاه ودرب الحيـاة المستقيمـة مستقيـمـة
فدوتك مافات من الأيام والـي عـاد جــــايـة****يابعد عمر مخاسيـر معـد عنـدي غنيمـة
أنتي الفارع بقـد وجــــد وأسمـاء وكــنــايـة****من عشق مثلك يجوز من الهوى وشداد ريمة
ليه لا وأنتي بحسنك في أدوات الحسن آيـة****لا ذهب لا ماس لا ياقوت لا أحجار كريمة
شاعر ٍ له مع الرايـــات فــي الــمرقـاب رايـة****كل ماهبت هبوبـك فلّهـا قـدر وحشيمـة
سامحك من ألف باء الذنب إلى مــاله نهايـة****وإستباحك عن خطاه وكل طقة بـك أليمـة
ويوم قلتي أعطنـي حريتـي أطلـق يــدايــة****ماذخر عن وجهك إلاطعنتين فـي صميمـة
07-08-2008, 11:03 AM
ياعظيمة كل شي لـه حـدود ولـه نهايـه**لكن أنتي ماوقفتـي عنـد حـدك ياعظيمـه
العرض الشجري