أبتدي بسم الله الرحمن رب العالمين = وأحمد الله واقي العثرات في ختمانها
النوادر من قريحة شاعرٍ عند قرين = أمتطى قحص المعاني ورقصت قيفانها
كل ماقالت مع الله قال يالله يامعين = الأصايل خيلنا .. والخيل في ميدانها
أتجود في تراثٍ خلفوه الأولين = وأتقي شر الحداثه كلها وعوانها
وأدرك إن ماقسم للمخلوق يكتب فالجبين = والطيور ألها اجنحا وتشلها جنحانها
والحقوق المنتها .. والحق مايرضي اثنين = ومامعي غير الاصيل وفي يدي اعنانها
اتفقنا واتجهنا ياعشير الغانمين = تقضي اللازم رياجيلٍ طوال ايمانها
بين الأصحاب التفاهم مثل بر الوالدين = والحظيظ إللي كسب تقديرها وحسانها
أقبلت خضر السنين ..ودبرت غبر السنين = والغنايم لنشاما شرعت بيبانها
ماتهيأ للغشيم إللي يجادل عارفين = مادرا ان الناس تقرا الكتب من عنوانها
ماكتبت الشعر ادور فيه راي المعجبين = والقصيدة ماظلمت القاف من قيفانها
هيضوني سارقين الشعر والمستشعرين = وكل شله بآخر الدنيا يطول لسانها
وكل تالي ماله أول ينتهي لو بعد حين = وإن نطحت القوم اوقفها على حدانها
بايعين ومشترين ..مجربين وناضجين = والحيايا ميته والسم في نيبانها
ياإله الكون رب الناس والجن اجمعين = استعنا بك ترسخ فالقلوب ايمانها
لاتمتني ياإله الا على تقوى ودين =حيث مانفسٍ تعيش الا حضر ديانها
وآقني من شر دنيايا وشر الملحدين = والذنوب اللي ارتكبت اسئلك في غفرانها
والنهايه سامحونى وسلموا ياسامعين = في تماثيلٍ مبناتن على سيسانها
23-08-2008, 08:18 AM
العرض الشجري