أحلى شي وأبيخ شي أهديه لمن يخل عليه؟؟هههههه

[بوجاسم]

السلام عليكم ورحمة الله وبركاته



اليوم جبت لكم موضوع حلو؟؟؟





--------------------------------------------------------------------------------

***** احلى شي *****

1- احلى شي لي وصلت الدوام متـأخر وتلاقي المسؤول ليلحين ماوصل الدوام

2- احلى شي اذا كبرت المخده ومارحت المحاضره وتدق عليك خويك ويقولك ان الدكتور ما أخذ الغياب


3- احلى شي لي قمت الصبح مستعسر بتروح المدرسه ويقولك ابوك اخمد اليوم عطله (يوم مفتوح)


4- احلى شي لما تدور بالهدوم الشتويه وتلاقي مئتين ريال انت ناسيها من ايام الشتا...يامنت كريم يارب

5- احلى شي لما ينزل الراتب قبل وقته وتكحل عينك فيه قبل لا تسحبه الاقساط.....

6- احلى شي لما ترد البيت بالليل تعبان وتلاقي زوجتك نايمه وتفتك من الحنه والقرقه والتحقيق

7- احلى شي لي غاب الدكتور عن اغلب المحاضرات عشان اخر الكورس يلغي نص المنهج

8- احلى شي لي شريت اغراض كثيرة وشايل هم السعر وعند الكاشير يقولك في خصم عندنا يافندم


- - - - - - - - - - - - - - - - - - - - - - - - - - - - - - - - - - -

***** ابيخ شي *****


9- ابيخ شي لي ضافتك بنت بالمسنجر وتقولك سوري مشبهه على ايميلك....ليش ماما معاك بالثانويه ايميلي

10- ابيخ شي لما تكون مرجع خويك الكليه ودايس واخر شي تصيدكم الشرطة...العن ابو معرفتك زين


11- ابيخ شي لي وديت صحون بيت خويك وامك تحن عليك ماجبت المواعين من بيت الاوادم



12- ابيخ شي لما تكون مشتهي تشرب شاي ويلف فيه الهندي ولما يجي دورك خلص البراد...

13- ابيخ شي لما تقط نكته ومحد يضحك ويتنحون ويقولولك قديمه سامعينها...ودك الارض تنشق وتبلعك

14- ابيخ شي لي كنت قاعد بمطعم وطلع عليك واحد اثول بلوتوث على باله بنت ياخي مكتوب كمبودي مو دانه ..