خبريني ياثريـا عـن فعـل صبيـان يـام

[عيد بن شدقان]

موطن العزه وطنّا وأرضنا أرض الكـرام =نفتخـر يـادار جــدي يافـخـر كــل القـلـوب
ديرتي نجرا ن راسي ساكنه فوق الغمـام =جـاورت نجـم المعالـي فـي سلـوم والـحـروب
عن أصل همدان حدّث واسجد لهم ياكـلام =مجّد اللـي مـن فعلهـم عانقـوا عـرش الجنـوب
خبريني ياثريـا عـن فعـل صبيـان يـام =اسطعـي طـول الليالـي والعنـي وقـت الغـروب
ياتراب السيف جدد ما قبل تسعيـن عـام =اعلـن الثـوره وطهّـر مـن تنـجـس بالـذنـوب
كم مضى يامجد قّلي غردي بـه ياحمـام =اعزفي لحنه على اللي طـول عمـره لـك طـروب
كم مضى ياسيف انطق عاشقك مل السلام =اطحن اللي عـاث بارضـك مـا ينجيـك الهـروب
في عروقه مجد قيصر انبنى وسط العظام =وبخفوقـه عـرش كسـرى عـن طلبهـا مايـتـوب
ما مضى عزه يساوي من سكن صنعا وشام =بينهـا نجـرا ن جنّـه جّمعـت مـجـد الشـعـوب
يامدينه كـل عاشـق كلنـا لجلـك سهـام =<. نار.> من <. جن .> المعارك للخصم شبت شبوب
اجتمع حرفي وحرفك فوق صفحات الغرام =نـون ترجـف فـي الخلايـا لبّستنـا العـز ثـوب
اشرقي ياشمس عمري ملّت الدنيـا ظـلام =ملّـت قلـوب العـذارى تنتحـر فـي كـل صـوب
سولفي لي بالمفاخر واذكري لـي بالتمـام =قصتـك ياغلـى مدينـه مـا لقيـت بهـا عـيـوب
من جمالك صار هايم من جهل معنى الهيام =يكتب اسمـك فـوق خـده بالدمـوع اللـي صبـوب
لو نظرتي طفل يبكي ارتشف دمعه وقـام =لـك يلبـي ثـم ينـادي لـو عظـم رجلـه يـذوب
سطّر التاريخ مجده في مدينه مـا تضـام =مـا حكمهـا غيـر هلهـا بالفعايـل فـي الـدروب
تركع الكلمة لجلها والعرب تسجـد ختـام =تذكر اللـي قـال قلبـي كلهـا فـي الدنيـا جنـوب

الـشـاعــر نـــــواف ال جــعـــره ,,,