الـبـارحـه لـيـلي قـضـيـته تـفـاكـير
مـما جـرالي من صدوف الليالي
مـاغـيـر أوقف وأقعد شوي وأسير
وأسج مثل اللي مـن العقل خالي
فلو خوة الـطـيـب عـلـي بالـدنـانـير
شريتها لين أصبحت رأس مالي
الله ياوقـت الـعـنـا ويـش بــيـصـير
مادام جـتـنـي من رفـيـق مـوالي
من طيب جدك قلت هذا الولد غـير
لـكـن عـلـى ماقـيل جرف هيالي
لـكـن حـشـمـه للـوجـيـه الـمـسـافير
اللي تحشم الجـار فـي كـل حالي
وحشمه لاأبيك وحشمه للــمـنـاعـير
مابعتـرضـلـك يـاردي الـعـيـالي
تغـيـرت عـنـدي كـبـار الـــمـعـايـير
وستنـتـجـت حب الهزيل الهزالي
قالـو جـلـيـس السوء هـو نـافخ الكير
مــــامــنـه الاحـر نـار وصـــالي
واللي تسـمـع للـرخــوم الـــمـعـاثـير
مايحتـزمـبـه فـي نـهـار الـقـتـالي
ومن خالف الأجواد في عكسه السير
تـنـكـف مـنـه مـبـهـرات الـدلالي
ومن لا وثب للمرجله عادهـ صـغـير
يـاجـعـل عـمـرهـ لـلـفـنـاء والـزوالي
والمـاء الـيـا من صار في قاعه البير
مـاتـجــذبنـه قـاصــرات الـحـــبــــالي
والـطـيـب عـسـر ومـا يـجي بتياسير
يــاكــود لــلــي يــحــتـمــون التـوالـي
(والـمـرجـلـه سـنـدا وفـيـهـا تـتـداقير)
شـطـر نـهـبـتـه مـن قـريـب وغــــالي
فمنهو سعاء بالخير يـلـقا جزاء الخير
عـــنــد الـرجـال مـقـدريـن الـرجــالي
والصيرمي يرضـى بحـكـم الـمـقادير
ومـافـيـه عـقـب الـمـيل كـون الـعدالي
وأنا مـن الـدنـيـا خــذيــت الـتـفـاسـير
وشـربـت مـنـهـا كـاس مـر وحـــــالي
فلـونـي صـغـيـر مـا تـبـعـت الـمدابير
ولا بـنـيـتـبـها طـوابـق خــــــيـــــــالي
ولا فـتـنـي صـوت ضـرب الـمزامير
لاأني من اللي يـعـشـقـون الـمـــعـــالي
قوم( ن) على كسب الجمايل مشـاهير
ويـشـهـد لـنـا الـتـاريـخ بـأول وتــــالي
يـام الـكـرم وأهـل الـدلال الـمـبـاهـير
يــام لـيــا مـن صـــك جــــال بــجــالي
ريف العواني والضيوف الـمـسـاـيير
وريف الضعيف اللي من الخوف جـالي
وقفاتنا من عصـر أبـو زيــد والــزير
فـوق ألاصـأيــل والـمـهـار الـــغـــوالي
ناطا على هـامـات رووس ألاكـابــير
كــم شـيـخ قـوم حـط تـحـت الـــرمــالي
من ضرب ربع تشبع الذيب والـطـير
وتـرسـي نـهـار الـضـيق مرسى الجبالي
ولـيـا وقـفـنـا بـا الـسـيـوف الـبـواتـير
تــامــنــبـــنـــا ذيـــدانــــا فــي الـمـفـالي
ولاهـل هـمـال الـمـزون الـمـزابـــير
وقــام يـتـكـاشـف بـرقـهـا فـي الـخــيـالي
نـرعـابـهـا عـشـب الـزهـر والنواوير
الـيـا غـدت الاعـشـاب مـثـل الـــــزوالي
والاعمار ترخص دون جـل الاباكير
فـنـس الـخــشــوم وضـافـيتات الـسـبــالي
فج الـعـضـود ونـازحـات الـزمـامير
سـنـد الـغـوارب والـعـظــام الــــــجـلالي
قوت العرب وقت الليالي المعاســير
الـلـي مـفـضـلـهـا عـزيـز الـــجــــــلالي
في خلقها حكـمـه ونـعـمـه وتــدبــير
ومـــن لا حــشـمـهــا جـاهـل مـأيـبــــالي
وكل القـبـايـل وافـيـه دون تـقـصـير
يــــروون حــد الــمـرهـفــات الـــسـلالي
17-09-2008, 08:10 AM
العرض الشجري