رد الشيخ بطيحان ال منيخر على قصيدة محمدبن احمد السديري

[ابن منيخر]

بسم الله الرحمن الرحيم

هذا رد الشيخ بطيحان بن محمد ال منيخر رحمه الله على قصيدة الامير محمد بن احمد السديري التي يقول فيها:

رجلك الي ضاقت لياليك سجها=عسى تواليها تبشر بالافراج
كم واحد له غاية ماهرجها=حتى ولو انه للدنين محتاج
حيث يقول الشيخ بطيحان رحمه الله:
يالله ياعالم سراير مهجها=مجري الهبايب في وسيعات الافجاج
رزاق حيتان البحر في لججها= اللي مساكنها غياهيب الامواج
ابرج لمن له نية مانهجها=وعربها المسلك ولافيه معراج
نية خفاء ماكل شخص نسجها=ايضا ولاتبدى على كل نساج
نخشى عواقبها وندرى عبجها=والحل فيها مايجي بالتعباج
والحال تشكى همها اللي حدجها=والنوم من حدر الحجاجين مالاج
دنياك مايحتاج قفابهجها=راحت بصبيان الفخر راحو ازراج
تفتحت بيبانها ثم ولجها=ناس يبذون الخفى جوج واسماج
واصبح بها اللي كان يقطع فرجها=معادلة في ابوابها سلم مزلاج
حول من العالي بسافل درجها= متحيرا كنه بحقا من العاج
دنيا كفي الله شرها من وهجها=منها السلامة مطمع والتمخراج
لافرق بين ازحولها من حدجها=متساوي فيها النداوي وهلباج
فيها ارجال مير ماكثر سمجها=لوهو مريض ماعرفنا له اعلاج
والله يا لا سجة في ازرجها=والنفس لاضاقت هواها التفراج
في روضة سيل الثريا سلجها=والروض بنواع الزهر له تليعاج
عقب الغيم تشم فوجة نوجها=ريح الخزاما والنفل وسطها ناج
تلقا الحباري تدرج في عسجها=وخطوى النداوي فوقها له تمرواج
لااقنب كما ذيب اظلوعه نفجها=جر العوا مع طلعت النور لاانباج
قد له اسبوع والغنم مادبجها=حالو هل الغنمان ماشاف دواج

وتقبلو تحياتي