مجنوووون الهووى

[غصن مكسور]

قالها اللي ضاق به صدره وجافاه المنـام= يا عسى ربي يكون بعون مجنون الهوى

لي طرت له ليلةٍ عدت بها لقيـا غـرام=انقضى ليله وهو ما بين آهـات ونـوى

ساهرٍ والنوم كنه صـار لعيونـه حـرام=والفرح والحزن صاروا كلهم عنده سوى

ما يهمه ينتهي لجـل المحبـة والهيـام=أو عن دروب السعادة للأبد حظه غـوى

لجل من هو صار عنده غالي وعالي مقام=ما يهمه لو شرب من لوعته لين ارتوى

لو يعرف إن الأجل موجود بكفوف المرام=ضل يسعى للطموح اللي بتحقيقـه نـوى

للورى ما يلتفت لو ساق خطواتـه أمـام= بالوفا ما ظن بالدنيا معه شخص استوى

كيف يستغني عن عيونه ويرضى بالظلام=كيف يرضى عيشةٍ فيها سروره ما ضوى

قال يقتله العطش لو فارقه وجه الغمـام=والمطر ما لاح له برقٍ ولا رعـده دوى

صادقٍ ما يخلفه عن نيته كثـر المـلام=عاشقٍ للصبر عن شوفت حبيبه ما قوى

يرتجف لو مر لأحبابه طـواري بالكـلام=يشعر إن كله بجمر الحب والشوق انكوى

ما بقى منه سوى حالٍ يطيح ليا استقـام=بالمسير بخلف حلمه صار مهدود القـوى

قلتها وأنا الذي ضايق وعيني مـا تنـام= يا عسى ربي يكون بعون مجنون الهوى

سلامتــــــكم
اخوكم غصن مكسور