مالك شبيه الا البدر ., يمكن تكون انت البـدر ..! (مواهبيه..) لــ/فهيد بن عصيدان

[فهد بن مطلق]

السلام عليكم ورحمه الله وبركاته


(مواهبيه) لــ/فهيد بن عصيدان


صلوا على النبي
.
.
.
.
.
.
.

أهليـن ياسمـحٍ علـى وجهـه بـراءة الابـريـا=مالك شبيه الا البدر ., يمكن تكون انت البـدر .؟!
وسط الظلام ايشعّ وجهك نـوره , بنـور وضيـا=فديته ., الاّ جعل يفـدا وجهـك الوجـه الـودر
ماكنّـك الا بكـرةٍ ذارت .! وذيّـرهـا الحـيـا=شافـت تزبّـاد البعيـر ., وسمْعتـه يومـه هـدر
اضيـع لامنّـك تحاكـيـت بتغـنّـاج وغـيـا=وش فايدة حكيي .؟ مدام انّ الحكي منّـك صِـدَر
تطري علي ., قصيدة ( الهزّانـي ) بمبسـم ( هيـا )=لامن ضحكْت .! وناض بارق مبسمك فوق وحـدر
عليك نظـره ., قفّلـت فيهـا ذكـاوة الاذكيـا=اسـجّ بيـن النظـره وسلهامـة الطـرْف الخـدِر
ياعاقـلٍ ماغرّتـه مظـاهـر الخِـفّـه ., ويــا :=ياللّي عليك مْن الوصايف : ( كلّ ماقـلّ ونِـدَر )
لولاك .؟ ماجرّ القلـم حبـره ., ولامـات وحيـا=ولابنيت البيت تلـو البيـت ., واسّسـت الجـدر
مدام شيٍ بيننـا اكبـر مـن علاقـة الاخويـا .؟=اسمع ., وانا كانز لـك اعلـومٍ مقيمـه فالصـدِر
لاتنتظر منّـي نفـاق مْنافـق , وكـذب , وريـا=ولاتنتظـر صـدّه , ولابـوره , ولاطعنـة غـدِر
حنّـا اتّفقنـا نتّفـق , علـى وفــاء الاوفـيـا=ان كنت ناسي .؟ فإذكر , ولاصرت ماتدري .؟ فإدر
حبٍ نموت يموت معنـا ., وإنحيـا لجـل يحيـا .؟=والاّ بلاش مْـن المحبّـه ., دامهـا هـمّ وكِـدَر .!