انا انسان مع نفسى قبل لا كون معك انسان
ولى مبدا ولى نظره وتحكمنى قناعاتى
احاسيس حقيقه ثابته فالوصل والهجران
انا طبعى اذا حبيت أحب بكل حالاتى
منادى والندا نابع من الوجدان للوجدان
اذا ما ينطق احساسى حديثى يشبه سكاتى
غموض فالهوى تصريح سره يفضح الكتمان
ونظرات الوله والوجد هى اجمل عبراتى
ولا جامل باحاسيسى ولا اقبل فالهوى احسان
ولا للمصلحه ياسيدى دور بعلاقاتى
ولو الغى شعورى مابقالى صاحب وخلان
يرافقنى على مر الزمن جرحى ودمعاتى
احب الصدق واعمل به كسبت او كنت انا خسران
ولو صدقى يخسرنى تشرفنى خساراتى
رفيق العمر لو تجفى ونبض القلب والشريان
اذا ماغصت باعماقى متى تفهم معاناتى
متى ما بعتنى با ابعد مصير الجرح للنسيان
ترى لو الخطا دربك مشيت بعكس خطواتى
على كثر الخطا غافر ولا اغفر غلطة الخوان
جزاه الصد والفرقا ولو عاندت رغباتى
ولولا العفو ماخطينا ولا نحينا بلا غفران
خطا دليل انا بشر وان الخطا ذاتى
على صدر الزمن بكتب شعورى موعد وعنوان
تعرف الشوق لو فتشت عن سر ابتساماتى
هلا بك يا صدق شعور دخل قلبى بلا استئذان
هلابك يالنصيب اللى نثر وجهه على او قاتى
وفالك عقلى وقلبى وعينى والوفا هيمان
ولى سمع خلق الله يحرس الود بشفاتى
اذا كان الهوى نعمه فحبك نعمة الرحمن
واذا كان الهوى غلطه فحبك كل غلطاتى
للشاعر منادى
العرض الشجري