مسندة إلى الشاعرة / الراسيــــة
أترككم معها ،، ومع ماحملته،،،
((يالراسيـــــــة ))
( يالراسية ) روحي و قلبي حزينين
والعين من جـور الليالـي سهيـرة
وحالي طواة الياس من ماضي سنين
سبـة همـومٍ عيشتنـي بحـيـرة
أجر أنا الونـات والخلـق ممسيـن
والعين تـذرف بالدمـوع الغزيـرة
ماهـو غـرام ولامفـارق محبيـن
ولا عذابً فـي المحبـة ( وغِيـرة)
ولا عتـابٍ مشتعـل بيـن قلبيـن
ولاحكايـا فـي التغـلـي كثـيـرة
لكنها مآسـاة مـن واقعـي الشيـن
لاقلـت راح الهـم جـدَد بغـيـرة
همً يلازمنـي مـن الحيـن للحيـن
حتى بيوت الشعر صـارت عسيـره
وهمي سكن فالقلب وسط الشراييـن
في داخل أعماقي صلانـي سعيـرة
أمشي مع العالم وانا اشيل جرحيـن
وأضحك وأجامل بأبتسامـة صغيـرة
وين السعادة في حياتي وانـا ويـن
والحـظ الأقشـر يتبعنـي مسيـرة
(توي صغيرة بالعمر كان تدريـن)!!
ميـر المعانـاه اجعلتنـي كبـيـرة
تعبت من ضيم الزمـن والمعاديـن
اللـي نواياهـم ذليـلـه حقـيـرة
واللي على حزني شفاقا و طربيـن
اهل العقـول الناقصـة والصغيـرة
وفي يوم ضيقي عندهم صار عيدين
يبون يومـن فيـه نفسـي كسيـرة
أصبحت على قولهـم بيـن ناريـن
بين الشقاء وبين الوجيه الشريـرة
(ياراسية) ياحلو فرقـاء الخبيثيـن
وفرقـاء منازلهـم بعيـدً بـديـرة
ما اسمع لهم طاري ولاشوف با لعين
وانسا لهم ذكـرى بقلبـي مريـرة
واسج وأدله فـي ديـار البعيديـن
والحال ينعـم فـي نعيـم وستيـرة
وأنسا مـع الأيـام كيـد المواليـن
اللـي سبايبهـم حياتـي ضريـرة
ودي بفرقاهم لكـن العسـر شيـن
حدتنـي القـدره و حالـن فقيـره
لكن أبصبر وادري ان الصبر زيـن
ويفرج لي اللـي عالـمً بالسريـرة
يامبدعه بالشعـر بنـت السلاطيـن
أفعالهـم يـوم المـلاقـا خطـيـرة
أهل العقـول الراجحـة بالموازييـن
اهل الوفاء والطيب واهل البصيـرة
(الاد مـرة ) هـم شيـوخً عربيـن
أيمانهـم عنـد المكـارم شطـيـرة
اللي بدرب العـز والمجـد ماشيـن
وتاريخهـم سطَـر روائـع جديـرة
قلته و مثلـي نـاسً والله كثيريـن
اللي شكـو هـم الليالـي الحسيـرة
واللي شكو من جور نـاسٍ قريبيـن
والكاتميـن الغيضهـم والسـريـره
وختامها يا بنـت عطـر ورياحيـن
ازكى سلام الطيـب فايـح عبيـرة
النــــــــادرة
02-12-2004, 03:19 AM
العرض الشجري